1- мавзу Кириш

Информацион технология обoект, жараён ёки ходисалар холати хақидаги маълумотларни (информацион Маҳсулотни) бир кўринишдан иккинчи, сифат жиҳатдан мутлоқ янги кўринишга келтирувчи, маълумотларни тўплаш, қайта ишлаш ва узатишнинг восита ва усуллари мажмуасидан фойдаланиш жараёнидир.
Моддий ишлаб чиқариш технологиясининг мақсади инсон ёки тизим эҳтиёжларини қондирувчи Маҳсулот чиқаришдан иборат бўлса, информацион технологиянинг мақсади таълил қилиш, бирор бир хулосага келиш ва қарор қабул қилиш учун зарур бўлган маълумотларни ишлаб чиқаришдан иборатдир.
Моддий ишлаб чиқариш технологик жараёнларини амалга ошириш турли дастгохлар, асбоб ускуналар ва шу каби техник воситалар ёрдамида амалга оширилгани каби информацион тизимларда хам худди шундай техник воситалар мавжуд. Уларга компьютерлар, тармоқ воситалари ва алоқа каналлари, программа ва математик таъминотлар киради.
Информацион технология ўзи учун асосий муҳит бўлган информацион тизимлар билан бевосита боьлиқдир. Чунки, информацион технология информацион тизимларда мавжуд бўлган маълумотлар устида бажариладиган турли хил мураккабликдаги операциялар, амаллар ва алгоритмларни бажаришдан иборат бўлган тартиблаштирилган жараёндир.


Янги информацион технология
Информацион технологиялар жамият информацион ресурсларидан оқилона фойдаланишнинг энг муҳим усулларидан бири бўлиб, ҳозирги вақтга қадар у бир неча эволюцион босқичларни босиб ўтди. Бу босқичларнинг алмашинуви аксари илмий техникавий прогресснинг ривожланиши, маълумотларни қайта ишлашнинг янги техник воситалари пайдо бўлиши билан белгиланади.
Ривожланган жамиятда ахборотни қайта ишлашнинг асосий техник воситаси сифатида шахсий компьютерлар иштирок этади. Бу маълумотларни йириш, қайта ишлаш жараёнларига ва фойдаланиш усулларига сезиларли таoсир кўрсатади. Информацион доирага шахсий компьютерларни жорий қилиниши, телекоммуникацион алоқа воситаларини қўлланиши информацион технологияни ривожланишида янги босқични белгилаб берди. Натижада "янги", "компьютерли" ёки "замонавий" каби синонимлар хосил бўлди.
"Янги" сифати бу технологиянинг эволюцион эмас, новаторлик характерини ифодалайди. Унинг тадбиқ этилиши шунинг учун хам янгиликни яратди. Бу муассаса ва корхоналар фаолияти мазмунини сезиларли ўзгартирди. Янги информацион технология тушунчасига коммуникацион технология хам қўшилади, чунки бу технология маълумотларни турли радио, телефон, космик алоқа каналлари ёрдамида узатилишини таъминлайди.
Информацион технологияни ривожланиши тўьрисида бир неча нуқтаи назар мавжуд. Уларнинг хар бири учун асосий мезонлар: шахсий компьютернинг пайдо бўлиши ва маълумотларнинг тармоқланган қайта ишлаш услубини кашф этилиши. Бу эса информацион технология тараққиётида янги босқич бошланганини англатади.