1 – Амалий машғулот. Нефтни қайта ишлаш ва яримфабрикатларни тозалаш

2.5. Детонацияга чидамлилик 
Ёнилғиларнинг 
детонацияга 
чидамлилиги 
унинг 
мажбуран 
алангаланадиган двигателларда детонациясиз ёниш қобилиятини тавсифлайди. 
Детонация. Детонация (детонацияли ёниш) – бу мажбуран 
алангаланадиган двигателларда ишчи аралашма нонормал ёнишининг бир 
туридир. 
Детонация пайдо бўлишининг физикавий шароити шундаки, 
аралашманинг бир қисми, унга алангаланиш ўчоғидан аланга фронти етиб 
келгунча, ўз-ўзидан алангаланиш ҳароратидан юқори ҳароратгача қизийди. 
Бунда пайдо бўладиган ўз-ўзидан алангаланиш – портлаш тавсифига эга бўлиб, 
товушдан катта тезликда зарбий (детонацияли) тўлқин кўринишида тарқалади. 
Детонациянинг ташқи кўриниши – ёниш камераси деворларидан 
қайтарилаётган детонация тўлқинларидан ҳосил бўладиган юқори тондаги 
шовқинли металл товушидир.
Детонациясиз двигател ишини таъминлашда асосий ролни ёнилғининг 
детонацияга чидамлилиги ўтайди.
Бензиннинг детонацион чидамлилигига унинг кимёвий таркибига 
кирувчи углеводородлар кучли таъсир қилади. Нормал парафин углеводородлар 
буғ фазасида осон оксидланадилар ва шу сабабли детонацияга мойилдирлар. 

---

19 
Парафин углеводородларнинг моляр массаси қанчалик катта бўлса, улар 
шунчалик осон оксидланадилар. Ароматик углеводородлар оксидланишга 
чидамли бўлади ва юқори детонацион чидамлиликка эга. Нафтен ва тўйинмаган 
углеводородлар детонацияга мойиллик бўйича парафин ва ароматик 
углеводородлар оралиғида жойлашади. 
Шундай қилиб фракцион таркиби бир хил бўлгани ҳолда, таркибида 
изомерли парафин углеводородлари ва ароматик углеводородлар миқдори кўп 
бўлган бензин, таркибида нормал парафин углеводородлари кўп бўлган 
бензинга нисбатан, яхши антидетонацион хоссаларга эга бўлади. Гуруҳий 
кимёвий таркиби бир хил бўлгани ҳолда фракцион таркиби енгил бўлган 
бензин, фракцион таркиби оғирроғ бўлган бензинга нисбатан детонацион 
чидамлилиги яхшироқ бўлади. 
Детонацияга чидамлилик ёнилғининг октан сони (ОС) билан 
баҳоланади. Фойдаланилаётган ёнилғининг ОС қанчалик катта бўлса (бошқа 
шароитлар бир хил бўлган тақдирда) детонация содир бўлиши эҳтимоли 
шунчалик кам бўлади.