Ў збкистон республикаси олий ва ўрта махсус таълим вазирлиги наманган давлат университети

Дарс таҳлилига кирувчилар учун қўйиладиган педагогик талаблар:
Дарс таҳлили ўқитувчи (тингловчи)нинг касбий малака ва кўникмалари қай даражада шаклланганлиги даражасини аниқлаш, ютук ва камчиликларини қайд этиш, дарс бериш тажрибасини ўрганиш, унга услубий маслаҳатлар бериш мақсадида ўтказилади. Шу сабабли таҳлил давомида ўқитувчи (тингловчи)нинг шахсиятига тегиш, обрўсини тўкиш, камситиш, камчиликларини бўрттириб кўрсатиш, дарсга алоқаси бўлмаган масалаларни муҳокама қилишга йўл қўймаслик лозим.
Қуйидагиларни доимо эсда сақлаш тавсия этилади:

1. 
   Дарсга кирилиши режалаштирилган ўқитувчи (тингловчи) бу ҳақда олдинроқ огоҳлантириши керак.
   
2. 
   Дарсни таҳлил қилиш учун синф хонасига фан ўқитувчиси (тингловчи) билан биргалиқда кирилади.
   
3. 
   Дарс жараёнида қуйидагиларга йўл қўймаслик лозим:
   

• 
  дарс ниҳоясига етгунга қадар сабр-тоқатли бўлиш ва дарс тугамасдан туриб синф хонасидан чиқиб кетиш;
  
• 
  дарс давомида ўрнидан туриб юриш ва ўқувчиларнинг дафтарини текшириш;
  

• 
  ўқитувчи, ўқувчи ва бошқаларга турли хил ишоралар қилиш;
  

• 
  дарс таҳлилида иштирок этаётганлар билан баланд овозда гаплашиш, у ёки бу вазиятни муҳокама қилиш;
  
• 
  дарс давомида таҳлил иштирокчиларининг саволларига жавоб бериш;
  
• 
  ўқитувчи (тингловчи) билдирган фикрга нисбатан ўз норозилигини баланд овозда ошкора қилиш;
  
• 
  ўқитувчи, ўқувчи ва бошқалардан дарслик, ўқув қўлланмалари, қуролларини сўраб олиш;
  
• 
  ўқитувчи (ттингловчи)дан ва таҳлил иштирокчилардан аччиқланиш, уни очиқчасига ошкора қилиш;
  
• 
  ўқитувчи (тингловчи)га дарс давомида йўл қўйган камчиликлари учун ўқувчилар олдида танбеҳ бериш;
  
• 
  ўқитувчи (тингловчи)нинг ўрнига дарс беришга интилиш, унинг фаолиятига аралашиш.
  

4. 
   Муҳокама (таҳлил)ни бошламасдан олдин ўтилган дарс хусусида ўқитувчи (тингловчи)нинг шахсий фикрини эшитиш, баъзи вазиятларда нима учун у ёки бу услубий воситани қўллаганлиги сабабларини билиш керак.
   
5. 
   Дарс хусусида билдирилган фикрлар холисона, дўстона бўлиши керак.
   
6. 
   Муҳокама (таҳлил) дарс тугагандан сўнг ўтказилиши шарт.
   

Агар шу талаблар бажарилмаса, Сиз ўқитувчи (тингловчи)нинг дарсни ташкил этишига, таълимнинг самарадор ва мукаммал усулларини танлашига, ижодкорликка эришишига, ўқувчилар жамоасини ўқув-билиш фаолиятига фаол жалб қилишига, синфда зарур тартиб-интизомни ўрнатишига ҳалал берган бўласиз!
Дарсни кузатувчининг дарсдаги интизоми, таҳлил давомидаги холисона ёндашуви ўқитувчи (тингловчи)нинг мустақил ва унумли ишлашида муҳим омилдир.