Ó zbekstan respublikasí joqarí HÁm orta arnawlí bilimlendiriw ministrligi ájiniyaz atíndaǵÍ NÓkis mámleketlik pedagogikalíq institutí «tastíYÍqlayman»

Postrekvizitlar:
Bul ámeliyat Házirgi qaraqalpaq tili,Qaraqalpaq tilin oqıtıw metodikası, Qaraqalpaq ádebiyatı tariyxı, Qaraqalpaq ádebiyatın oqıtıw metodikası pánlerin iyelew ushın ámeliy járdem beredi.
Bul ámeliyat Qaraqalpaq tili hám ádebiyatın oqıtıw metodikası pánlerin oqıtıw metodikası hám pedagogikalıq ámeliyat ushın fundamental tiykar bolıp xızmet etedi.
Qánigelik ámeliyatınıń zárúrligi
Oqıw tanısıw ámeliyatı dawamında ámeliyatshı talabalar ulıwma orta bilimlendiriw mektebiniń sociallıq ortalıǵı, bilimlendiriw ortalıǵı, oqıw ornı subektleri ortasındaǵı múnásibetler, ata-analar hám olardıń ornın basıwshılar menen islesiw principleri, mediasawatlılıq hám basqalar tuwralı ámeliy kónlikpelerge iye bolıwı lazım.
Talabalar mektep hákimshiliginiń is júrgiziw processleri, basqarıwshılıq iskerligi, pán muǵallimleriniń sabaq dawamında oqıwshılar menen, sonday-aq klass basshısınıń tárbiyalıq process júzesinen oqıwshılarǵa múnáisbetleri, normativ hújjetleri menen tanısıwı kerek. Sonday-aq, sabaqlardı gúzetip, olarǵa óz pikirlerin bere alıwları, sabaq otiwleri, metodikalıq jaqtan sabaqlardı shólkemlestire alıwları ushın kónlikpe hám tájiriybe toplawları zárur.
Ámeliyattıń maqseti – keleshek qaraqalpaq tili hám ádebiyatı pánleri muǵallimlerin ámeliy-kásiplik kónlikpelerin qáliplestiriw hám qánigelik ámeliyatqa tayarlaw.
Ámeliyattıń wazıypası – talabalardı bilimlendiriw ortalıǵına beyimlestiriw, kónlikpelerin qáliplestiriw, alınǵan telriyalıq bilimlerdi bekkemlew, rawajlandırıw; oqıw procesin jolǵa qoyıw boyınsha normativ hújjetler menen tanıstırıw; bilimlendiriw mákemelerindegi tálim-tárbiya procesiniń ózgeshelikleri haqqında túsinikti qáliplestiriw; talabalarda mediasawatlılıqtı rawajlandırıw; talabalarda pedagogic kommunikativlik qabiletlerdi rawajlandırıw.


Ámeliyat juwmaǵındaǵı nátiyjelilik:
- ulıwma orta bilimlendiriw mektebi haqqında túsinikke;
- mektep hákimshiliginiń jámáát penen islesiwi haqqında túsinikke;
- pedagogikalıq jámáát ortasındaǵı múnásibetler haqqında;
- oqıwshılardıń óz-ara hám pedagoglar menen múnasibetleri, oqıwshılardıń jas ózgeshelikleri haqqında;
- ata-analar múrájaatları hám olar menen mektep jámáátiniń múnásibeti;
- sabaqita hám klastan tısqarıda oqıwshılar menen islesiw mexanizmleri;
- oqıw-normativ hújjetlerdiń júrgiziliwi;
- klass xanalarına qoyılatuǵın gigienalıq talaplar haqqında;
- sabaqlardıń, ruwxıylıq-aǵartıwshılıq ilajlardıń ótkiziliwi hám olardıń normativ hújjetleriniń rásmiylestiriliwi hám basqalar haqqında kónlikpelerge iye boladı.