Ў збекистон республикаси олий ва ўрта махсус таълим вазирлиги низомий номидаги тошкент давлат

Ш. Амонашвилининг инсон-шахс технологияси: ушбу технологияси асосий мақсадлари қуйидагилардан иборат: боланинг шахсий хислатларини намоён қилиш орқали унда олижаноб инсоннинг шаклланиши, ривожланиши ва тарбияланишига имкон туғдирмоқ; боланинг қалби ва юрагини улуғламоқ; боладаги билишга бўлган кучларни ривожлантириш ва шакллантириш; кенг ва чуқур билим ҳамда малака олиш учун шароит туғдирмоқ; идеал тарбия – бу ўз-ўзини тарбияламоқ. Ҳамда ушбу технологиясини амалга ошириш учун қуйидаги методика ва методик усуллардан фойдаланди: инсонпарварлик; шахсий ёндашув; мулоқот маҳорати; оила педагогикасининг қўшимча имконияти; ўқув фаолияти.

В. Шаталовнинг мақсад-мўлжали технологияси: билим, малака ва кўникмаларни шакллантириш; ҳар қандай индивидуал хусусиятларга эга бўлган барча болаларни ўқитиш; ўқитишни тезлаштириш. Ушбу технологиясининг таойиллари: схема–конспект кўринишида расмий­лаштирилади ва кўп марта такрорлаш, мажбурий босқичма-босқич назорат, қийинчиликнинг юқори даражаси, катта блокларда ўрганиш, фаолиятнинг динамик қолипи, хатти-ҳаракатнинг таянчи, мўлжалдаги асосини қўллаш; шахсни кўзда тутиш асосида ёндашув; инсонпарварлик; зўрлаб ўқитмаслик; ўқув вазиятларининг конфликтсизлиги, ҳар бир ўқувчининг муваффақият­ла­ри­дан бохабарлик, тузатиш ёки йўлга солиш, ўсиш, ютуқларга истиқболни очиш; ўқитиш ва тарбияни боғлаш.

С. Лисенкова технологияси: таянч схемалар изоҳидан фойдаланган ҳолда истиқболли ўқитишни бошқариш; ушбу технология асосида қуйидагилар ётади: шахсий ёндашув; ўзлаштириш; синфдаги файз - хайрихоҳлик, ўзаро ёрдам; хатоларидан огоҳ қилиш; ўқув материалининг кетма-кетлиги ва изчиллиги; вазифанинг ҳар бир талабасига қулайлиги ва уларга алоҳида-алоҳи­да бўлиб берилиши; аста-секин тўлиқ мустақилликка ўтиш; билағон талаба воситасида билмайдиган талабаларни ўқитиш.

Г. Селевко технологияси: ўқитишни табақалаштириш ўқув жараёнини таш­кил этиш шакли сифатида изоҳланади, ўзида билим даражаси бир хил бўлган, у ёки бу жиҳатдан ўқув жараёнида умумий сифатларга эга бўлган талабалар гуруҳи билан ўқитувчи ишлайди; ўқитишни табақалаштириш ўқув жараё­ни­даги таълим олувчиларнинг турли гуруҳларини ихтисослаштирилишини таъмин­лайдиган умумий дидактиканинг бир қисми сифатида ҳам белги­ла­нади.