“ пул ва банклар

2-расм.1960-2011 йилларда М1 ва М2 аггрегатларини ўсиш 
суратлари. 
2-расмдаги маълумотлардан кўришимиз мумкинки, пулнинг ягона, аниқ 
ва тўғри ўлчовини танлаб олиниши муҳим ҳисобланиб, тартибга солувчи 
органлар ҳамда иқтисодчилар томонидан тўғри пул ўлчови сифатида қайси 
пул аггрегатини олиниши катта аҳамият касб этади. 
34
 
 

 
3-МАВЗУ: ПУЛ НАЗАРИЯЛАРИ 
РЕЖА: 
3.1. Пул назариясининг моҳияти 
3.2. Пулнинг металлик назарияси 
3.3. Пулнинг номиналлик назарияси 
3.4. Кейнснинг ликвидликнинг афзал кўрилиши назарияси 
3.5.Кейнсчилик назариясининг кейинги ривожланиши 
3.6. Фридманнинг пулнинг замонавий миқдорий назарияси 
3.7.Фридманнинг пулнинг замонавий миқдорий назарияси 
3.1. Пул назариясининг моҳияти 
ул назариясининг оламшумул илмий аҳамияти шундаки, у барча 
иқтисодий фанларнинг базиси ҳисобланади. Ҳақиқатда ҳам бирорта 
34
Frederic S.Mishkin. The economics of money, banking and financial markets. Pearson Education Limited pp. 
2013. pp. 94-104 
П 

---

иқтисодий адабиёт мавжуд эмаски, агар пул ёки у билан боғлиқ 
муносабатларни ўзида акс эттирмаган бўлса.
Пулнинг назарий табиати бир нечта бўлиб, қатор концепцияларда унинг 
мавжудлигини табиий асослари ва амал қилишининг сабаблари келтирилади. 
Шартли равишда буни “товарли” ва “товарсиз” концепцияларга ажратиш 
мумкин
35
.
Товарли концепцияда пулнинг қимматлилигини аниқлашда асосий 
эътибор реал фойдали ҳисобланган ички қийматига қаратилади. Бу борада 
жуда кенг тарқалган пулнинг металлилик назарияси эътиборга олинади. 
Пулнинг товарсиз концепциясида унинг товарни сотиб олиш ҳуқуқини 
берувчи қиймати, символи, иэроглифи, умумий кўриниши каби белгиларига 
эътибор қаратилади.
Албатта, пул назариясининг кўп қирралилиги ва унинг иқтисодий 
категория сифатида амал қилиши жуда кўп иқтисодчи олимлар, 
мутахассислар, экспертлар томонидан эътироф этилган. ЭЪтиборли жиҳати 
шундаки, иқтисодчи олимлар, экспертлар ва мутахассисларнинг пул 
назарияси ва унинг иқтисодий категория сифатида амал қилиши ҳақидаги 
қарашлари, таълимотлари ва ғоялари жуда кўп ҳолларда бир – биридан фарқ 
қилади. Бунинг асосий сабабларидан бири, бизнинг назаримизда, иқтисодий 
назариячи олимлар, мутахассислар ва экспертларнинг пул назарияси 
ҳақидаги асарларининг турли вақтда, турлича ишлаб чиқариш шароитида ва 
турли ҳудудларда яратилганлигидир. 
Жамиятда меҳнат тақсимотининг мавжудлиги, кишиларни бир – бирига 
боғлаб турадилар, улар ўртасида маҳсулотлар ва ресурслар алмашувини 
таъминлайдиган механизмни амал қилишини талаб этади. Ушбу механизм 
бозор бўлиб, бозор кишилар фаолиятини тартибга солади ва уларнинг 
манфаатларини бир – бирига мос келишини таъминлайди. Кишилар 
фаолиятини ҳаракатга келтирувчи, улар ўртасидаги айирбошлашни 
таъминловчи ва уларнинг манфаатларини тартибга солувчи восита сифатида 
пул майдонга чиқади. 
Маълумки, жамиятда айирбошлаш муносабатларининг дастлабки 
даврларида кишилар бартердан жуда кенг равишда фойдаланган, кейинчалик 
улар бартер, яъни товарни – товарга алмаштириш жараёни маълум 
қийинчилик ва қўшимча вақтни талаб этиши натижасида, бозор 
иштирокчилари пулни кашф этдилар. 
Пул – барча товарларнинг умумий эквиваленти сифатида майдонга 
чиқадиган “махсус товар” бўлиб, унинг ёрдамида барча товарлар қиймати 
ўлчанади. Пулнинг жамиятда амал қилиши ва унинг эволюсияси билан 
боғлиқ масалалар иқтисодий адабиётларда пул назарияси сифатида талқин 
этилади. Ушбу иқтисодий адабиётларда пул назариясининг иқтисодий 
категория сифатида амал қилиши қуйидаги учта гуруҳга ажратиб 
ўрганилади.