# 4, 2020 pedagogik mahorat*педагогическое мастерство*pedagogical skill

Key words. Journalism education, methodology, journalism education methodology, methodology of 
pedagogical disciplines, philosophical, general scientific, specific scientific, technological level, traditional approach 
to education. 
Кириш. 
Ҳар қандай фан янги кашфиётлар, инновациялар орқали ривожланиб, бойиб боради. 
Ундаги янгиланишларни амалга ошириш учун эса, шубҳасиз, илмий жиҳатдан асосланган 
изланишлар зарур. Илмий тадқиқотларни амалга ошириш учун фаннинг методологик асослари таянч 
билим вазифасини ўтайди. Ахборот асрида долзарб аҳамиятга эга бўлиб бораётган ва замон 
талабларига мос ҳолда ислоҳ қилинишига катта эҳтиёж бўлган журналистика соҳаси таълими ҳам 
соҳа тараққиёти учун ўз методологияси ва самарали методлар тизимига эга бўлиши зарур. 
Ҳозиги пайтда журналистик таълим – бошқа ривожланган фанлар қатори ўзининг алоҳида 
предметига, назарий принципларига, ўз тадқиқот методларига эга. Гарчи бу принцип ва методлар 
фалсафа, педагогика ва журналистика фанларининг кўп йиллик тажрибалари асосида уларнинг 
ютуқларидан фойдаланган ҳолда шакллантирилган бўлса ҳам, журналистик таълим жараёни ана шу 
принцип ва методларни ўз табиати, соҳа қонуниятлари, ўтилаётган фаннинг характери ҳамда замон 
талаблари асосида қўллайди.
Шу билан бирга, методологик муаммоларни ишлашдаги ҳаракатларнинг мавжудлигига 
қарамасдан, журналистик таълимга доир қатор назарий-методологик муаммолар ечимсиз қолмоқда, 
етарли даражада тадқиқ қилинмаяпти.
Журналистик таълим методологиясига алоҳида эътибор қаратиш зарурлигининг бугунги кунда 
бир қатор сабаблари мавжуд: 
1.
Бугун мамлакатимизда ривожланган фуқаролик демократик жамият қуриш бўйича жадал 
ислоҳотлар олиб борилмоқда ва барча соҳалар тараққиётининг асоси бўлган таълим тизими тубдан 
янгиланмоқда. 
2.
Ахборот технологиялари ва Интернет ривожланган бугунги кунда журналистика ва 
журналистик таълим бутунлай янгича фаолият шаклларини танлаши, замон ва дунё талабларига мос 
ҳолда ривожланиш йўлини тутиши зарур. 
https://buxdu.uz

---