" " dagi sonli qarori bilan tasdiqlangan "Strategik menejment" fani dasturi asosida ishlab chiqilgan

11-mavzu. Servis xizmatlari menejmenti

Xizmat ko‘rsatish va servis sohasini rivojlantirish bo‘yicha amalga oshirilayotgan ishlar natijasida, aholining xizmatlarga bugungi kunda o‘sib borayotgan ehtiyojining ta’minlanishi yanada yaxshilanishiga, turmush darajasining hamda daromadlarning oshishiga olib kelmoqda.

Ushbu sohani rivojlantirish bo‘yicha Hukumatimiz tomonidan olib borilayotgan islohotlar, yaratilayotgan keng imkoniyatlar, berilayotgan imtiyozlar natijasida so‘nggi 3 yilda viloyatimizda 2648 ta shahobchalar tashkil etilib, hozirgi kunda barcha xizmat ko‘rsatish shaxobchalarining soni 24901 tani tashkil etganligini yaqqol misol keltirish mumkin. 2012 yil yakuni bilan viloyat bo‘yicha jami ko‘rsatilgan xizmatlar hajmi 2010 yilga nisbatan 1,4 marotabaga, yalpi hududiy mahsulotda hizmatlarning ulushi esa 44,0 foizni tashkil qilib so‘nggi ikki yilda 2,7 bandga oshdi va ushbu sohada band bo‘lganlar soni 290 ming kishiga etdi.

Ayniqsa, viloyatda transport xizmati, aloqa va axborotlashtirish xizmati, turizm xizmati, moliya va bank xizmatlari, savdo va umumiy ovqatlanish xizmatlari sohalari yildan-yimlga rivojlanib borishi kuzatilmoqda.

Xizmatlarni rivojlantirish bo‘yicha joriy yilning 17 aprelda muhtaram Prezidentimizning “2013-2016 yillarda qishloq joylarida xizmat ko‘rsatish va servis sohasini jadal rivojlantirish yuzasidan qushimcha chora-tadbirlar to‘g‘risida”gi 1957-sonli qarori asosida viloyat hokimining 2013 yil 19 aprelda 92-Q sonli qarori qabul qilindi va ushbu qaror ijrosini ta’minlash maqsadida “Samarqand viloyatida 2013-2016 yillarda qishloq joylarda xizmatlar ko‘rsatish va servis sohasini jadal rivojlantirish Dasturi” ishlab chiqilib tasdiqlandi.

Mazkur dasturning ijrosini ta’minlanishi natijasida joylarda, ayniqsa qishloq joylarda xizmat ko‘rsatish va servis sohasini jadal va muvozanatlashgan tarzda rivojlantirishi, xizmatlar bilan ichki iste’mol bozorini to‘ldirish, zamonaviy yuqori texnologik va bozor xizmat turlaridan foydalanish imkoniyatlari kengaytiriladi, buning asosida yangi ish joylarini yaratish va aholi daromadlari oshirilishi ko‘zda tutilgan.