Yangi va eng yangi davrda chet mamlakatlarida jismoniy tarbiya

YANGI VA ENG YANGI DAVRDA CHET MAMLAKATLARIDA

JISMONIY TARBIYA

(XVIII – XIX asrlar)

Reja:

1. Yangi davrda chet el mamlakatlarida jismoniy tarbiya va sport. 2. Jismоniy tarbiya va spоrtning nazariy asоslarining taraqqiy etishi. 3. Yevropa mamlakatlarida gimnastika tizimlarining vujudga kelishi. 4. Angliya va AQSHda sport va sport o`yinlarining rivojlanishi

5. Osiyo, Amerika va Afrika mamlakatlarida jismoniy tarbiya.
Tayanch so`z va iboralar: Jismoniy tarbiyaning nazariy asoslari, Jon Lokk, J.J. Russo, i. Pestalotsii, Guts-Muts, J. Demeni, gimnastika tizimlari, Nemis gimnastika tizimi, Fransuz gimnastika tizimi, Shved gimnastika tizimi, Sokol gimnastikasi, sport o`yini tizimi, Havaskorlik va professional sport.
XVI-XIX asrlarda hukm surgan feodal tuzumi emirilib, kapitalizm davri boshlangan. Bu davrda tabiatshunoslikka doir juda ko’p ilmiy kashfiyotlar qilingan. Moddiy dunyoning barqarorligi va g’ayritabiiy kuchlarning yo’qligi haqidagi fikrlarga olib kelgan. Jamiyat uchun tadbirkor, uddaburon, sog’lom ishchilar zarur bo’lgan. Odamning aqli, irodasi va jismoniy fazilatlarining namoyon bo’lishida ta’lim-tarbiya muhim o’rin egalashi yaqqol ko’ringan. Insonning pedagogikaga bo’lgan qiziqishi ortishiga va jismoniy tarbi­yaning nazariy asoslari amalda bajarilishiga sabab bo’lgan.

Jon Lokk (Angliya), Jan- Jak Russo (Fransiya), Iogann Pestalotssining (Shveysariya) pedagogik qarashlari, XVIII asrning oxiridagi nemis filantroplarining pedagogik tajribasi jismoniy tarbiya nazariyasi va amaliyotning taraqqiy qilishiga katta ta’sir etgan.