Xi боб. Полиэлектролитларни синфлаш

XI БОБ. ПОЛИЭЛЕКТРОЛИТЛАР
Полиэлектролитларни синфлаш
Эритмаларда ионларга ажрай оладиган юқори молекуляр бирикмаларга полиэлектролитлар дейилади. Полиэлектролитлар саноатда кенг қўлланилади ва табиий полимерларнинг энг кўп қисмини ташкил қилади.
Полиэлектролитлар ионланадиган гуруҳларнинг табиатига қараб уч турга бўлинади:

1. 
   Поликислоталар – таркибида кислотали гуруҳлар тутган полимерлар. Улар кучли ва кучсиз поликислоталарга бўлинади:
   

а) Кучли поликислоталар

б) Кучсиз поликислоталар

2. 
   Полиасослар – таркибида асосли гуруҳлар тутган полимерлар:
   

а) Кучли полиасослар

б) Кучсиз полиасослар

Поликислоталар ва полиасосларнинг тузлари кучли полиэлектролитлар ҳисобланади.

3. 
   Полиамфолитлар – таркибида кислотали ва асосли гуруҳлар тутган полимерлар. Масалан: виниламин билан акрил кислотасининг сополимери:
   

Оқсиллар турли хил (20 турга яқин) аминокислоталарнинг сополимерлари бўлиб қуйидаги умумий формулага эга:

Бу ерда R₁, R₂ ва R₃ – баъзилари кислотали, баъзилари асосли гуруҳлар тутган ён ўриндошлар.
Чизиқсимон тузилишга эга полиэлектролитлар сувда яхши эрийди ва саноатда флокулянт ва стабилизаторлар, тиббиётда дори моддаларга ҳар хил тўлдиргичлар сифатида қўлланади. Баъзи полиэлектролитлар ионитлар сифатида кенг ишлатилади.
Полиэлектролитлар баъзи хоссалари билан қуйимолекуляр электролитларга ўхшаб кетадилар ва электр токини яхши ўтказадилар, аммо гидродинамик хоссалари бўйича электролит эритмалари ва ноэлектролит полимерлар эритмаларидан тубдан фарқ қиладилар.
Полиэлектролитларнинг ўзига хос хусусиятлари уларнинг макромолекулаларида жойлашган зарядларнинг зичлигига боғлиқ бўлади ва бу хоссалар полиионларнинг таркибидаги зарядланган гуруҳларнинг ўзаро ва қарама-қарши ионлар билан таъсирланиши орқали аниқланади. Шунинг учун полиэлектролитларнинг сувли эритмаларида бўладиган ионланиш мувозанатини ўрганиш катта аҳамиятга эга.