Ташқи муҳит Макромуҳитнинг асосий омиллари

Фармацевтик ташкилотларнинг маркетинг макро муҳити
Режа:
I. Кириш.
II.Асосий кисм:
1. Ташқи муҳит
2. Макромуҳитнинг асосий омиллари:
3. PEST таҳлил
III.Хулоса.
IV.Фойдаланилган адабиётлар руйхати.

I. Кириш.

Маркетинг тадқиқотларини амалга оширишда маркетинг муҳити энг катта қизиқишга сабаб бўлади. Маркетинг муҳити доим кутилмаган ҳолатларга бой бўлади. Ҳар бир фирма учун рўй бераётган ўзгаришларни назорат қилиш ва уларга ўз вақтида мослашиш муҳим ҳисобланади. Маркетинг муҳити фаол субъектлар ва фирма ташқари муҳитида бўлган ва мақсадли мижозлар билан самарали ҳамкорлик қилиш имконига таъсир кўрсатувчи кучларнинг жамланмасини ташкил қилади. Бошқача қилиб айтганда, маркетинг муҳити корхонанинг истеъмолчилар билан самарали ҳамкорликни ўрнатиш ва қувватлаб туриш имконини берадиган омиллар ва кучларни тавсифлайди. Бу омиллар ва кучларнинг ҳаммаси ҳам корхона томонидан бевосита бошқариш измида эмас. Шу муносабат билан маркетингнинг ички ва ташқи муҳитлари фарқланади.

II.Асосий кисм:

I. Маркетинг муҳити – корхонани ўраб турган, унинг фаолияти ва унинг ўзига таъсир кўрсатадиган ҳолатлардир.
Фирманинг маркетинг муҳити – корхонадан ташқарида бўлган, ва корхонанинг мақсадли истеъмолчилар билан самарали ўзаро фойдали ҳамкорлик муносабатларини ўрнатиш ва қўллаб-қувватлаш имкниятларига таъсир кўрсатувчи мавжуд субъектлар ва кучлар жамланмаси ҳисобланади.
Ташқи муҳит
Фирманинг ташқи маркетинг муҳити микромуҳит ва макромуҳитдан иборат. Уларга корхонадан ташқарида бўлган ва унинг фаолиятига бевосита таъсир кўрсатадиган барча объектлар, омиллар ва вазиятлар киради. Фирманинг микромуҳитига фирманинг етказиб берувчилар, воситачилар, мижозлар ва рақобатчилар билан ўзаро муносабатлари киритилади. Фирманинг макромуҳити аксарият ижтимоий хислатли фирмаларга хос бўлган омиллар билан келтирилган. Уларга демографик, иқтисодий, табиий, сиёсий, техник ва маданий табиатга хос омиллар киради.
Маркетингнинг макро ташқи муҳити (бевосита таъсир муҳити) – маркетингнинг микромуҳити барча субъектларига тўғридан тўғри таъсир кўрсатувчи ва ўз таркибига: сиёсий, ижтимоий-иқтисодий, ҳуқуқий, илмий-техник, маданий ва табиий омилларни жамлаган йирик ижтимоий ва табиий омиллар жамланмасидир.
Сиёсий омиллар сиёсий вазиятнинг барқарорлик даражаси, давлат томонидан тадбиркорлар ҳуқуқларини ҳимоялаш, унинг мулкдорликнинг турли шаклларига муносабатларини тавсифлайди.