Ta’lim vazirligi

O’ZBEKISTON RESPUBLIKASI OLIY VA O’RTA MAXSUS

TA’LIM VAZIRLIGI

TOSHKENT MOLIYA INSTITUTI

O’quv-uslubiy bo’lim tomonidan ro’yxatga olindi: №___________________ 2018 yil “__”__________

Toshkent moliya instituti O’quv ishlari bo’yich prorektor ____________I.N.Qo’ziyev “__”________2018 yil

KORXONALARNI RIVOJLANTIRISH

STRATEGIYASI

ISHCHI O’QUV DASTURI

Ta’lim sohasi:	230 000 – Iqtisod
Mutaxassislik:	5A230102- Iqtisodiyot (tarmoqlar va sohalar bo’yicha )

Toshkent-2018

Fanning ishchi o‘quv dasturi O’zbekiston Respublikasi Oliy va o‘rta maxsus ta’lim vazirligi 201__ yil “___” _____dagi ___ -sonli buyrug‘i (buyruqning ___ -ilovasi) bilan tasdiqlangan “Korxonalarni rivojlantirish strategiyasi” fani dasturi asosida tayyorlangan.

Fanning ishchi o’quv dasturi Toshkent moliya instituti Kengashining 201__ yil “___” ______________ dagi “___” - sonli bayoni bilan tasdiqlangan.

Tuzuvchilar:
Asatullayev X.S.	TMI “Iqtisodiyot nazariyasi” kafedrasi mudiri, i.f.n., dotsent
Zaynutdinova U.J.	TMI “Iqtisodiyot nazariyasi” kafedrasi dotsenti, i.f.n.
Taqrizchilar:
Mo’minov N.G	O’zMU, “Iqtisodiyot nazariyasi” kafedrasi mudiri, i.f.n., dotsent;
Bababekova D.Sh.	TMI “Iqtisodiyot nazariyasi” kafedrasi professori i.f.d

Fanning ishchi o’quv dasturi kafedraning 201__ “____” _____________ dagi ___-sonli majlisida muhokama etilib, Magistratura bo’limi Kengashida ko’rib chiqishga tavsiya qilingan.

Kafedra mudiri i.f.n., dots. X. Asatullayev
Fanning ishchi o’quv dasturi Magistratura bo’limi Kengashining 201__ “____” _____________ dagi ___-sonli majlisida muhokama etilib, institut O’quv-uslubiy Kengashida ko’rib chiqishga tavsiya qilingan.

Bo’lim boshlig’i i.f.n., dots. U. Ortiqov

Fanning ishchi o’quv dasturi institut O’quv-uslubiy Kengashining 2018 yil “___” ___________dagi ___-sonli majlisida muhokama etilib, institut Kengashida ko’rib chiqishga tavsiya qilingan.

Kengash kotibi: i.f.n., dots. T.Baymuratov

201_ yil “___”__________
Kirish

Ushbu dasturida real sektor tarmoqlarini jadal sur’atlar bilan rivojlantirish, korxonalarda istiqbolli loyihalarni amalga oshirish, samarali iqtisodiy faoliyatni tashkil etishga yo’naltirilgan jarayonlarning nazariy va amaliy asoslarini o’rganishni tizimli tartibda shakllantirilgan bo’lib, magistrantlarning fan doirasida ta’lim olishlarini tashkil qilish va bu borada zaruriy shart-sharoitlarni yaratish, auditoriya soati va mustaqil ta’lim jarayonlarida ta’lim olishlarini tashkil etishda zaruriy ko’nikmalarni hosil qilish bilan bog’liq uslubiy tavsiyalar shakllantirilgan.

“Korxonalarni rivojlantirish strategiyasi” fani magistratura 5230102 - “Iqtisodiyot” mutaxassisligida o`qitiladigan mutaxassislik fanlaridan biri hisoblanadi. Ushbu ishchi o’quv dasturi O'zbekiston Respublikasi Prezidentining 2017 yil 7 fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF-4947-sonli Farmoni, 2017 yil 20 apreldagi “Oliy ta’lim tizimini yanada rivojlantirish chora-tadbirlari to’g’risida”gi PQ-2909-sonli Qarori, 2017 yil 27 iyuldagi  “Oliy ma'lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to'g'risida”  PQ-3151-son Qarori hamda 2018 yil 5 iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo’yicha qo’shimcha chora-tadbirlar to'g'risida”gi PQ-3775-sonli Qarorlarining asosiy qoidalariga muvofiq ishlab chiqilgan va unda “Korxonalarni rivojlantirish strategiyasi” fanini o`qitishda zarur bo`lgan asosiy jihatlar yoritilgan.

O’quv fanning dolzarbligi va oliy kasbiy ta’limdagi o’rni
Real sektor tarmoqlarini jadal sur’atlar bilan rivojlantirish, korxonalarda istiqbolli loyihalarni amalga oshirish orqali yangi zamonaviy texnika, dastgoh va uskunalar, texnologiya va nou-xaularni joriy etish eng avvalo samarali iqtisodiy faoliyatni tashkil etishni va to’g’ri yo’naltirilgan sanoat siyosatini olib borishni taqozo etadi. Korxonalarning barcha ichki imkoniyatlaridan to’la foydalanish orqali real sektor tarmoqlarini kengroq rivojlantirishlari asosiy vazifa hisoblanadi.

“Korxonalarni rivojlantirish strategiyasi” fani iqtisodiyotni modernizatsiyalash sharoitida tarmoq va korxonalarda sodir bo’layotgan ijtimoiy-iqtisodiy jarayonlarini nazariy va amaliy jihatlarini o’rganish va uni mo’’tadil rivojlantirishning echimlarini topishda xamda magistratura ta’limi “Iqtisodiyot (tarmoqlar va sohalar bo’yicha)” mutaxassislarini shakllanishida katta ahamiyatga ega. Ushbu fanning yutuq va xulosalaridan mamlakat real sektor tarmoqlarida faoliyat yuritayotgan sanoat korxonalarini rivojlantirishda keng foydalaniladi.

“Korxonalarni rivojlantirish strategiyasi” fani mutaxassislik fanlar blokiga kiritilgan kurs hisoblanib, 1- 2-kursda o’qitilishi maqsadga muvofiq.

Fanning maqsad va vazifalari

Fanning maqsadi – magistrantlarga iqtisodiyot tarmoqlari korxonalarini rivojlantirish strategiyasini to’g’ri tanlash bo’yicha ixtisosligiga mos bilim, ko’nikma va malakalarni shakllantirishdan iborat.

“Korxonalarni rivojlantirish strategiyasi” fanining asosiy vazifasi-iqtisodiyot tarmoqlari korxonalarida ishlab chiqarishni boshqarish, sanoat korxonalari sohasida fundamental qoidalar va hodisalarning korxonalarni strategik rivojlantirish borasidagi amal qilish xususiyatlarini o’rganishdan iborat.

“Korxonalarni rivojlantirish strategiyasi” fanini o’zlashtirish jarayonida amalga oshiriladigan masalalar doirasida magistrant:

• 
  korxonalarning rivojlanish strategiyasi tushunchasining mazmuni va ahamiyati;
  
• 
  korxonalarni rivojlanishini xarajatlar nuqtai nazaridan baholash usullari;
  
• 
  korxonalarni rivojlanish strategiyasini umumiy hajmini baholash;
  
• 
  korxonalarning rivojlanish strategiyasini ifodalovchi ko’rsatkichlar tizimi va ularni aniqlash yo’llari haqida tasavvurga ega bo’lishi;
  
• 
  korxonalarda tadbirkorlik muhitini shakllantirish va rivojlantirish yo’llarini;
  
• 
  korxonalarning rivojlanishida aylanma mablag’lar va ularni tahlil qilish vazifalarini;
  
• 
  korxonalarning rivojlanishida mehnat motivatsiyasi va ularning mohiyatini;
  
• 
  korxonalarda baho strategiyasini shakllantirish va asoslashni;
  
• 
  korxona rivojlanishida asosiy vositalar bilan ta’minlanganligini ifodalovchi ko’rsatkichlarni tahlil qilishni;
  
• 
  korxona rivojlanishida nomoddiy aktivlar holati, ta’minlanganligi va samaradorligini tahlil qilishni;
  
• 
  korxonalar asosiy kapitalining tarkibi va elementlarini tasniflashni;
  
• 
  korxonalarda marketing faoliyatini tashkil etish va boshqarishni;
  
• 
  korxonalarning tashqi bozor faoliyatini rejalashtirish va bashorat qilish usullari bilishi va ulardan foydalana olishi;
  
• 
  korxonalarning tashkiliy tuzilmasi va boshqaruv strukturasini shakllantirish;
  
• 
  korxonaning shartnomaviy munosabatlarini rejalashtirish;
  
• 
  korxonalar faoliyatining iqtisodiy samaradorligini tahlil qilish va baholash;
  
• 
  strategik faoliyat yo’nalishlarida mavjud muammolarni tizimli tartibda tahlil qilish;
  
• 
  korxonalarda personallarning ijodiy salohiyatini rivojlantirish yo’nalishlarini tashkil etish;
  
• 
  korxonalarni strategik rivojlantirishda investitsion va innovatsion hamkorlik aloqalarini shakllantirish va boshqarish ko’nikmalariga ega bo’lishi kerak;
  
• 
  korxonalarni strategik boshqaruv modellarini shakllantirish va ularda qiyosiy tahlillarni amalga oshirish;
  
• 
  korxonalarni strategik boshqaruvini amalga oshirishni tashkil, huquqiy va iqtisodiy jihatdan asoslash;
  
• 
  ishlab chiqarishda innovatsion loyihalardan maqsadli foydalanish dasturlarini shakllantirish;
  
• 
  strategik boshqaruvni amalga oshirish jarayonida ishlab chiqarishni tashkiliy-texnikaviy darajasini tahlil qilish va uni istiqbollashtirish malakalariga ega bo’lishi kerak.