Tabaqalashtirilgan toʻlov-kontraktning

Talabalar oʻqishini Oʻzbekiston Respublikasining bir hududida joylashgan davlat oliy taʼlim muassasasidan boshqa hududidagi davlat oliy taʼlim muassasasiga koʻchirishda:
- oʻqishni mos va turdosh taʼlim yoʻnalishlariga koʻchirishga uzrli sabablar mavjud boʻlganda ruxsat etiladi. Bunda, oʻqishni koʻchirish soʻralayotgan hududda mos va turdosh taʼlim yoʻnalishi mavjud boʻlmaganda, oʻqishni mazkur hududdagi oliy taʼlim muassasasining boshqa taʼlim yoʻnalishiga koʻchirishga ruxsat etiladi;
- talabaning respublika bir hududidan ikkinchi hududiga doimiy yashash uchun koʻchib oʻtishi, turmush oʻrtogʻi yoki ota-onasining mehnat faoliyatini amalga oshirish joyi boshqa hududga oʻzgartirilishi, nikoh tuzgandan keyin turmush oʻrtogʻi doimiy yashaydigan hududga koʻchib oʻtishi uzrli sabablar etib tan olinadi. Bunda, hududlar Qoraqalpogʻiston Respublikasi, Toshkent shahar va viloyatlar miqyosida belgilanadi;
- talabalarning oʻqishini uzrli sabablar mavjud boʻlmagan holatlarda, shuningdek, mos va turdosh boʻlmagan taʼlim yoʻnalishlariga koʻchirish oʻrnatilgan tartibda, tegishli bakalavriat taʼlim yoʻnalishi uchun belgilangan tabaqalashtirilgan toʻlov-kontraktning minimal miqdoriga teng boʻlgan bir martalik toʻlov asosida amalga oshiriladi (mazkur kichik bandning ikkinchi xatboshisida koʻrsatilgan holatlar bundan mustasno);
- Oʻzbekiston Respublikasi davlat oliy taʼlim muassasalarining mos va turdosh boʻlmagan taʼlim yoʻnalishlariga koʻchirish oʻrnatilgan tartibda, tegishli bakalavriat taʼlim yoʻnalishi uchun belgilangan tabaqalashtirilgan toʻlov-kontraktning minimal miqdoriga teng boʻlgan bir martalik toʻlov asosida amalga oshiriladi.
Bir oliy taʼlim muassasasi (hudud) doirasida bir taʼlim yoʻnalishidan boshqa taʼlim yoʻnalishiga oʻqishni koʻchirish muayyan taʼlim yoʻnalishi uchun belgilangan tabaqalashtirilgan toʻlov-kontraktning minimal miqdoriga teng boʻlgan bir martalik toʻlov asosida amalga oshiriladi. Bunda, hududlar Qoraqalpogʻiston Respublikasi, Toshkent shahar va viloyatlar miqyosida belgilanadi.