Tabaqalashtirilgan toʻlov-kontraktning

Quyidagi holatlar fuqaroning oʻqishini koʻchirish va qayta tiklash haqidagi arizasiga rad javobi berilishiga asos boʻladi:
- birinchi kursning birinchi semestriga birinchi semestr tugallanmagan holatda oʻqishni koʻchirishga;
- namunaviy oʻquv rejalaridagi umumkasbiy va ixtisoslik (mutaxassislik) fanlari boʻyicha farqlar 4 tadan oshganda (muayyan kursga (semestrga));
- oliy taʼlim muassasasi moddiy-texnika bazasining imkoniyati cheklanganda;
- maqsadli qabul qilinganlar boshqa taʼlim yoʻnalishi yoki taʼlim shakliga, boshqa oliy taʼlim muassasasiga;
- iqtisodiyot tarmoqlarida kamida besh yil ish stajiga ega boʻlgan va ish faoliyatiga mos taʼlim yoʻnalishlarining sirtqi va kechki taʼlim shakliga suhbat natijalariga koʻra tabaqalashtirilgan toʻlov-kontrakt asosida oʻqishga qabul qilinganlar boshqa taʼlim yoʻnalishi yoki taʼlim shakliga, boshqa oliy taʼlim muassasasiga;
- bir taʼlim shaklidan maxsus sirtqi taʼlim shakliga hamda maxsus sirtqi taʼlim shaklidan boshqa taʼlim shakliga (maxsus sirtqi taʼlim shaklida oʻqigan taʼlim yoʻnalishi yoki tegishli kurs mavjud boʻlmagan taqdirda maxsus sirtqi taʼlim shaklidan boshqa taʼlim shaklining mos taʼlim yoʻnalishiga tiklash bundan mustasno);
- Oʻzbekiston va xorijiy oliy taʼlim muassasalarining oʻzaro kelishuvi asosida tashkil etilgan qoʻshma taʼlim dasturlaridan respublika oliy taʼlim muassasalarining umumiy tartibdagi bakalavriat taʼlim yoʻnalishlariga;
- uzrli sabab tufayli turdosh boʻlmagan taʼlim yoʻnalishiga oʻqishni koʻchirish boʻyicha roʻyxatdan oʻtgan ammo ushbu oliy taʼlim muassasasi joylashgan hududdagi oliy taʼlim muassasalarida mos va turdosh taʼlim yoʻnalishlari mavjud boʻlganda bazaviy toʻlov kontrakt asosida koʻchirishga;
- qonun hujjatlarida belgilangan boshqa holatlarda.
Magistratura mutaxassisliklariga oʻqishni koʻchirishga faqat belgilangan uzrli holatlardagina ruxsat etiladi. Boshqa holatlarda magistratura mutaxassisliklariga oʻqishni koʻchirishga ruxsat etilmaydi.

O`qishni k`ochirish va tiklash