Совуқ фронт булутлари Илиқ фронт булутлари. Окклюзия фронт булутлари

БУЛУТ ТАСВИРИДАН ФОЙДАЛАНИБ СИНОПТИК ҲОЛАТНИ ТАҲЛИЛ ВА ПРОГНОЗ ҚИЛИШ
МУНДАРИЖА
Кириш

1. Совуқ фронт булутлари

2. Илиқ фронт булутлари. Окклюзия фронт булутлари

3. Стационар фронт булутлари. Иккиламчи фронт булутлари.

4. Циклон ва юқори барик ботиқликдаги булутлар тизими

5. Антициклон ва барик ўркач булутлари

6. Окклюзия фронтларнинг характеристикалари. Тез ҳаво оқимларидаги булутлар

Xулосa
ФОЙДАЛАНИЛГАН АДАБИЁТЛАР


Кириш
Ер метеорологик сунъий йўлдошлари ёрдамида олинган расмлардаги булутлар тасвири ва метеорологик станциялардан олинган маълумотларни бир вақтда таҳлил этилаётганда доимо шуни назарда тутиш керакки, ҳар бир турдаги ахборотнинг афзаллиги ва шунингдек унинг камчилиги нималардан иборат. Ана шундагина у ёки бу турдаги ахборот манбаси устуворлигидан максимал фойдаланиш мумкин бўлади.
Ердаги метеорологик станциялардан олинган ахборотларни афзаллиги шундан иборатки, улар атмосфера ҳолатининг кўплаб параметрларини миқдорий баҳолашга имкон беради. Ердаги ҳар қандай метеорологик станциялар тармоғининг (ҳатто зич жойлашган бўлса ҳам) асосий камчиликларидан бири, кузатув бир нуқтада (станцияда) олиб борилади. Шу сабабли атмосферадаги йирик масштабли оқимларни умумий тасвирини яратиш учун ҳар бир станцияларда бажарилган кузатув ўлчовларини интерполяция қилиш даркор. Табиийки, интерполяциянинг аниқлиги ва таҳлилнинг тўғрилиги метеорологик станциялар тармоғининг зичлигига боғлиқ бўлади.
Ер метеорологик сунъий йўлдошлари орқали олинган ахборотларнинг сўзсиз устиворлиги шундан иборатки, фазодаги кузатувлар узлуксиз олиб борилади. Метеорологик станциялардаги кузатувлардан фарқли равишда, Ер метеорологик сунъий йўлдошлари ёрдамида олинган расмлар бўйича жуда қисқа вақт ичида булутларнинг кенг майдондаги умумий тақсимланиш тасвирини яратиш мумкин. Лекин унинг камчиликларидан бири, булутлар тасвири сифатий ҳисобланади, яъни бажариладиган ўлчовлар миқдорий хусусиятга эга эмаслигидадир.
Бу бўлимда йирик масштабли булутлик тузилмалари ва уларнинг қуйидаги синоптик миқёсдаги тизимлар билан ўзаро боғлиқлиги қаралади:

• 
  атмосфера фронтлари;
  
• 
  циклонлар;
  
• 
  антициклонлар;