Саволнома мактабда масофавий таълим учун яратилган шароитлар таҳлили

УМУМИЙ ЎРТА ТАЪЛИМ ТАШКИЛОТЛАРИДА ОНЛАЙН ТАЪЛИМ СИФАТИНИ НАЗОРАТ ҚИЛИШ БЎЙИЧА
САВОЛНОМА



1. Мактабда масофавий таълим учун яратилган шароитлар таҳлили: интернет билан таъминланганлиги ва унинг сифати, компьютер техникалари билан таъминланиш даражаси, уларнинг техник ҳолати, ўқитувчиларнинг АКТдан саводхонлик даражаси, АКТ бўйича малака ошириш курсларининг ташкил этилганлиги.
2. Фан ўқитувчилари томонидан масофавий дарсларнинг ташкил этилиш ҳолати: дарс жадвалларининг мослаштирилганлиги, онлайн таълим олувчи ўқувчилар билан ишлаш сифати, уй вазифаларининг бажарилишини назорат қилиш ва ўқувчилар билимини баҳолаш ҳолати.
3. Онлайн таълим олувчи ўқувчилар ва уларнинг ота-оналари билан суҳбат: масофавий таълим олиш учун оилада яратилган шароитлар, мактаб билан мулоқот ва уй вазифаларини ўқитувчига етказишдаги муаммолар таҳлили.
4. Масофавий таълим жараёнини ташкил этиш бўйича статистик маълумотлар: жами онлайн тарзда таълим олаётган ўқувчилар сони, уларни онлайн дарсларда қатнашиш давомати, дарсларда қатнашмаслик сабаблари, уй вазифаларини бажариш ҳолати ва бажармаслик сабаблари таҳлили.
5. Масофавий таълим жараёнларида юзага келган муаммоларнинг бартараф қилиниши: телевизион дарсларни кузатиб бориш имкони мавжуд бўлмаган ўқувчиларга шароит яратиш ҳолати, дарсликлар таъминотидаги муаммоларнинг ечими.
6. Масофавий таълим жараёнининг услубий таъминоти: онлайн дарсларни ташкил этиш бўйича ўқитувчилар учун қўлланма, онлайн усулда сифатли таълим олиш бўйича ўқувчилар ва уларнинг ота-оналарига тавсиялар, тарқатма материалларнинг ишлаб чиқилиш ҳолати.
7. Педагогларнинг карантин шароитида фаолият кўрсатиши ва масофавий дарс ўтиш маҳорати бўйича малакасини ошириш: Малака ошириш институтлари томонидан онлайн дарслар орқали ўқитувчилар учун маҳорат дарсларини ташкил этилиши, Халқ таълими бўлими методистлари томонидан фанлар кесимида ўқитувчиларга онлайн услубий таъминотнинг амалга оширилиши, ўқитувчиларни компьютер саводхонлигини ошириш бўйича ўқув дастурлари ишлаб чиқиш ва амалга оширилиш ҳолати.