Саволлар жавоблари

ЎЗБЕКИСТОН РЕСПУБЛИКАСИ АДЛИЯ ВАЗИРИЛИГИ
тошкент давлат юридик Университети


Халқаро оммавий ҳуқуқ модул фанидан казус
САВОЛЛАР ЖАВОБЛАРИ
Дхф 2-Гурух
Казус 1
2013-2014 йилларда Ҳиндистон америкалик дипломатларнинг имтиёзларини чеклаш бўйича бир қатор чораларни қўллади. Ҳинд дипломатларининг АҚШда ҳуқуқлари чекланишига жавоб тариқасида Ҳиндистон ҳам америкалик дипломатларнинг ҳуқуқларини чеклади. Бунинг сабаби АҚШда ҳинд дипломатлари визалар билан боғлиқ фирибгарликда айбланган эди. Ҳиндистон ҳукумати ҳинд дипломатларининг ҳибсга олингани ва кўрик пайтида кийимлари ечилганидан ғазабланди. АҚШ ҳукуматининг баёнотига кўра, АҚШда стардарт таомилларга риоя қилинади. Нью-Йорк федерал ҳакамлик суди дипломатларга айблов эълон қилди. Нью-Дели дипломатнинг дипломатик ҳимоясидан воз кечишдан бош тортди ва шундан сўнг, Ҳиндистон дипломатни чақириб олди.
Вазиятга ҳуқуқий баҳо беринг.

Казус 2
1993 йилда АҚШдаги Грузия дипломати ижарага олинган автомобилни бошқариш пайтида йўл ҳаракати ҳодисаси рўй берди. Натижада бир аёл ҳалок бўлди. Суриштирув пайтида дипломат маст ҳолатида бўлгани аниқланди. Грузия дипломати ҳалок бўлган аёлнинг оила аъзосига ҳамдардлик билдирди. Бироқ, сенаторлардан бири агар дипломатнинг дипломатик иммунитети бекор қилинмаса, Грузияга молиявий ёрдам кўрсатиш тўхтатилишини талаб қилди. Грузия димломатик иммунитетни бекор қилди ва у америка судида судланди. Ҳалок бўлган аёлнинг қариндошлари етказилган зарарни қоплаш бўйича фуқаролик даъвоси билан судга мурожаат қилди. Бироқ, кейинчалик аниқ бўлдики, дипломатик иммунитет жиноят иши натижасида бекор қилинган ва димломат фуқаролик иммунитетдан фойдаланиши мумкин эди.
АҚШ ва Грузия ҳаракатларига ҳуқуқий баҳо беринг. Америка ҳукумати димломатик иммунитет мавжуд бўлган пайтда содир этилган жиноят учун жиноий таъқибни амалга ошириши мумкинми? Дипломатга нисбатан фуқаролик даъволарини кўриш тартибин баён қилинг.