Rs succes agro

“RS SUCCES AGRO” ҚК МЧЖ ҳақида маълумот

Бирлашган Араб Амирликларининг “Industrial Innovation Group LLC” компанияси иштирокида “RS Success Agro” МЧЖ агрокластери Ўзбекистон Республикаси Вазирлар Маҳкамасининг 2019 йил 18 июндаги 511-сон қарорига мувофиқ, республикада илк маротаба Сирдарё вилоятида таркибида целлюлоза мавжуд бўлган экинлар, хусусан каннабис етиштириш, уни чуқур қайта ишлаш ва рақобатбардош, экспортбоп маҳсулотларни ишлаб чиқаришни ташкил этиш мақсадида ташкил этилган.

Компания томонидан умумий қиймати 181,9 млн. евролик йирик агросаноат кластерини ташкил этиш лойиҳаси амалга оширилмоқда.
Бугунги кунга қадар инвестор томонидан лойиҳа доирасида саноат комплекси ва томчилатиб суғориш тизими учун 42 млн. евро ўзлаштириган.
Ташкилот томонидан йилига 80 минг тонна бирламчи тола ишлаб чиқариш линияси, арболит ғишт, ёғ ишлаб чиқариш, уруғлик тозалаш ускуналари ўрнатилган ва ишлашга тайёр ҳолатга келтирилган, шунингдек бино ва иншоотлар қурилиш ишлари якунига етказилган. Ташкилот энг сўнги русумли аппарат ва технологиялар билан таъминларган лабораторияга эга. Бундан ташқари 115 та қишлоқ хўжалиги машина ва техникалари харид қилинган.
Шунингдек, хавфсизлик ва сифат лабораторияси қуриб битказилган.
Компания томонидан бугунги кунгача 3 842 гектар майдон фойдаланишга киритилган ҳамда ушбу майдонларни суғориш мақсадида 46 та сув қувурлари ўрнатилган бўлиб, уларга қуёш панеллари билан электр таъминотини йўлга қойиш ишлари олиб бориляпти. Барча қишлоқ хўжалиги чора-тадбирлари йилиги 2 марта ҳосил олиш имкониятини беради.
Бугунги кунгача жами 280 та янги иш ўринлари яратилган ва яқин йилларда бу кўрсаткич бир неча бараварга ошиши кутиляпти.