Reja I. Kirish II. Asosiy qism

Reja

I. Kirish

II. Asosiy qism

2.1. Inventarizatsiyaning mohiyati, ahamiyati va huquqiy-me’yoriy asoslari.

2.2. Inventarizatsiyaning maqsadi va vazifalari.

2.3. Inventaritzatsiyaning turlari

III. Xulosa

I. Kirish

Buxgalteriya hisobining oldiga qo'yilgan muhim vazifalardan biri buxgalteriya hisobi schyotlarida aktivlarning holati va harakati, xususiy kapital va majburiyatlarning holati to'g'risidagi to'liq hamda aniq ma’lumotlarni shakllantirishdan iborat. Demak, buxgalteriya hisobi ma’lumotlari korxona aktivlari (mablag'lari) va passivlari (xususiy kapital va majburiyatlar) hamda xo'jalik jarayonlarining holati to'g'risida o'z vaqtida aniq va ishonchli axborot berishi lozim.

Nazariy jihatdan asosiy vositalar tarkibidagi har qanday o'zgarish va aylanma mablag ' buxgalteriya hujjatlari bilan tasdiqlanishi kerak (aktlar va hisob -fakturalar bilan birga). Amalda, vaziyat odatda idealdan uzoqdir. Mulk yo'qoladi, oldindan aytib bo'lmaydigan darajada yomonlashadi, qayta baholanadi va o'g'irlik kabi achinarli hodisa, afsuski, to'liq bartaraf etilmagan.

Lekin har qanday xo'jalik yurituvchi subyekt faoliyatida haqiqatda mavjud mulkiy obyektlarning, barcha turdagi debitor qarzlarni va korxona majburiyatlarining haqiqiy qoldiqlarini ham qo'shgan holda, buxgalteriya hisobi ma’ lumotlaridan farq qilish hollari uchraydi. Bunday farqlar tovar-moddiy boyliklar bo'yicha kamomad, oshiqchalik, qayta navlash va summalardagi tafovutlar; kassadagi pul mablag'lari, qimmatli qog'ozlar va pul hujjatlarining kamomadi yoki oshiqchaligi; hisob-kitoblarning ma’lum uchastkalari bo'yicha debitorlik va kreditorlik qarzlar qoldiqlarining hisobda oshirib yoki kamaytirib ko'rsatilishi; asosiy ishlab chiqarishdagi tugallanmagan ishlab chiqarish xarajatlarining oshirib ko'rsatilishi kabi holatlarning natijalari hisoblanadi.