|
Òqish.
2- “B” sinf.
Mavzu: Navròz bahor bayrami.
Òqituvchi: Shermetova Malohat Botirovna.
Darsning maqsadi:
Ta`limiy: O`quvchilarga Navro`z bayrami haqida ma`lumot berish, “Navro`z bayrami” matni bilan tanishtirish.
Tarbiyaviy: O`quvchilarga milliy qadriyatlarimizga hurmat hissini singdirish, ularda insonparvarlik fazilatlarini tarbiyalash, rivoyatlar orqali haqiqatga yondasha bilishga o`rgatish.
Rivojlantiruvchi: O`quvchilarni mustaqil va mantiqiy fikrlay olishga o`rgatish, BKMlarini rivojlantirish.
Korreksion maqsad: ravon, ongli, ifodali o`qishni rivojlantirish
Dars turi: Yangi bilim, tushunchalarini shakllantiruvchi.
Dars metodlari: Savol-javob, suhbat, “Klaster” va “Trinajyor” usullari, “Nomini top” va “Gulzorda” o`yinlari
Dars jihozi: Darslik, rangli rasmlar, maqol, topishmoqlar, “Gulzorda” ko`rinishli ko`rgazmalar, videolavha, musiqa
Darsning borishi:
I. Tashkiliy qism.
Salomlashish.
Davomatni aniqlash.
Kun yangiliklari
O`quvchilarni darsga hozirlash. O‘rgan – o‘rgat shiori,
Boshlang‘ichdir poydevori.
Sog‘ tanda – sog‘lom aql,
Biz bunga doim kafil!
Uy vazifasini so`rash.
“Yomg’ir” matnini o’qib berishadi. Savol-javob o’tkazaman.
She'r nima haqida ekan?
• Yomg'ir qaysi faslda ko'proq yog'adi?
• Yomg'ir yog'ib o'tgach, tabiatda yana qanday o'zgarishlar bo'ladi?
Yangi mavzuni
“Bahor” faslining tug`ilishi haqidagi rivoyat aytiladi.
O`tgan juda olis zamonda tabiat o`zgarishlari bo`lib turar ekan-u, lekin odamlar bu qanday mo`jiza, qanday sinoat ekan deb hayronu lol bo`lar ekan. Shunday kunlar yillar davomida o`taveribdi. O`sha zamonda yashagan bir suluv kelinchak umid bilan farzand kuta boshlabdi. Uning yaqinlari ham unga qo`shilib bir qancha orzu umidlar bilan yashay boshlabdi. Oylar bir-birini quvib yetib, oy kuni yetgan farzand dunyoga kelibdi, lekin ne ko`z bilan ko`ring –ki, bola o`lik tug`ilibdi. Ota- ona va yaqinlari ham
bu ko`rgilikdan iztirob chekib, alamda qolaveribdi. Kunlar esa bir-birini quvib o`taveribdi. Sovuq bo`ronli kunlar,izg`irin shamolli tunlar, iliq va issiq bo`lib otayotgan tonglar esa kun sanashdan charchamabdi. Yana shunday kunlarning birida ona ikkinshi farzandini ham dunyoga keltiribdi, ommo mehribon onaning quvonchi hech ham uzoqqa cho`zilmabdi. Yana nobud bo`lgan bola onaga alam va iztirobdan boshqa hech narsa berolmabdi. Yillar o`tib ona kun-u tunlarini bir-biriga ulab , xudoga yolvorib yana bir olam umidlar bilan uchinchi farzandini kuta boshlabdi.
Oy kuni yetgach bola dunyo yuzini ko`ribdi,lekin ona ne ko`z bilan boqsin-ki boladan biror sas chiqmas emish. Shunda ona bechora butun ichiga yig`ilgan dardu –alamlarini, g`am-u tashvishlarini, hayotining har bir lahzasini kuyga solib, dardli ohangda, dunyoni larzaga solib, jim yotgan bolani bag`riga mahkam bosib, dod faryod bilan qo`shiq kuylay boshlabdi . Shu kunlarda esa o`sha yurtning aholisi qor bo`ronli kunlardan bezib, issiq kunlarni kutib yashayotgan edi. Ular ham mehr ila achinish bilan onaning ahvolini kuzatar edi. Shunda onaning mungli allasi butun olamni tutdi. (Shu joyida alla qo`shig`i qo`yiladi)
Buni eshitib turgan butun borliq onaning mayin ohangiga jo`r bola boshladi. Tog`larda qorlar eriy boshladi, samodagi bulutlar ona bilan birga ko`z yoshini to`ka boshladi, yerdagi qurt-qumursqalar ham,o`t-o`lanlar ham onaning dardiga sherik bo`lib yerda g`imirlay boshladi. Buni ko`rgan ollohimning ham onaning sabr-u toqatiga tahsinlar aytib, bolaga jon ato etdi. Kutilmaganda bola dunyoni boshiga ko`tarib, onaga baxt ulashib bag`illab yig`lay boshladi. Bu yerga yig`ilgan barcha yaxshi insonlar ona bilan birga xursand bo`lib, xursandchilik yoshlari bilan “Jajji mehmon” ni kutib oladilar. Shunda shu yerning donishmand bobolaridan biri: — To`xtang, bizning bu kuzatib turgan kunlarimizga ham biror nom qo`yaylik deb barchaga maslahat qilibdi. Shunda bobo bolaning bag`illab yig`lashidan “ba” ni olib, onaning xorlanib-zorlanib o`tgan kunlaridan “hor” olib, “BAHOR” so`zini hosil qildi. Shu so`zni eshitganda har doim mehribon onalarimizning bedor kunlari-yu, shirindan –shakar bolajonlarimizning xushchaqchaq kulgusi ko`z oldimizda gavdalanib turadi. Shunday qilib, bu rivoyatda eshitganimizdek “Bahor” va “Alla” qo`shig`ining dunyoga kelishini bilib oldik.
Bahor faslining go`zal gulzorlaridan gullar terib, yangi mavzuning nomini topamiz.
“Gulzorda” o`yini orqali yangi mavzu nomi kelib chiqadi, bunda fanlar bilan bog`lanish hosil bo`ladi.
Gullardagi raqamlarni o`sib borish tartibida joylashtirsangiz, gullar ortiga yashiringan bo`g`inlardan ketma-ketlikda daftarimizga yozib borish natijasida yangi so`z hosil bo`ladi, siz topishga harakat qiling.
1-Nav,3- ro`z,5- bay,7-ra,9-mi— Navro`z bayrami
Do'stlaringiz bilan baham: |
