Ptma yangibozor tuman ixtisoslashtirilgan maktab kutubxonachisining yillik ish rejasi

PTMA YANGIBOZOR TUMAN IXTISOSLASHTIRILGAN MAKTAB KUTUBXONACHISINING YILLIK ISH REJASI




2022-2023-o‘quv yili

“Tasdiqlayman”
PTMA Yangibozor tuman ixtisoslashtirilgan maktab direktori:
___________Sh. Ramazanova
5-sentabr 2022-yil

Kutubxonaning asosiy yo‘nalishlari va vazifalari
O‘zbekiston Respublikasi mustaqillikka erishgandan keyin o‘tgan davrda umumiy o‘rta ta’lim maktablari kutubxonalarining faoliyati va vazifasi tubdan o‘zgarib ularning o‘quv tarbiya jarayonini metodik jihatdan ta’minlashdagi ahamiyatini kuchaytirish, bunda yangi axborot texnologiyalari va axborot madaniyatini shakllantirish uchun xizmat qiladigan maskanga aylantirish maqsadi qo‘yildi.
O‘zbekiston Respublikasi Prezidentining 2019 yil 30 - sentyabrdagi 4467-sonli qarorida mamlakatimiz kutubxonachilik tizimini isloh qilish hozirgi bosqichda eng muhim vazifa ekanligi davlat siyosati darajasida etirof etildi.
O‘zbekiston Respublikasi Prezidentining 2017 - yilning 12 – yanvaridagi “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi farmoyishi chiqdi.
O‘zbekiston Respublikasi Prezidentining 2017 - yilning 13 - sentabrida “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha kompleks chora - tadbirlar dasturi to‘g‘risida”gi qarori chiqdi.
Ta’limning yangi texnologiyalari innavatsion o‘quv jarayoniga chuqurroq kirib bormoqda. Kutubxonachining axborot dunyoqarashi o‘quv fani o‘qituvchisining axborot dunyo qarashidan ancha keng, chunki u muayyan axborot makonida yashaydi va hamma vaqt yangi axborot yangiliklaridan voqif bo‘lib turadi.
- Umumiy o‘rta ta’lim maktablari kutubxonalari o‘qituvchilarga va o’quvchilarga xizmat ko‘rsatadigan mustaqil tarkibiy o‘quv metodik markaz.
- Ta’lim muassasasini darsliklar, o‘quv qo‘llanmalari, qo‘shimcha adabiyotlar bilan ta’minlash .
- Yoshlarni bo‘sh vaqtlarini mazmunli o‘tkazishlarida yaqindan yordam berish.
- Foydalanuvchilarda o‘ziga zarur axborotni qidirish, tanlash va baholash ko‘nikmalarini tarbiyalash, ularga axborot - bibliografik apparatidan mustaqil ravish da foydalanish usullarini o‘rgatish.
- Foydalanuvchilarda milliy istiqlol g‘oyasini shakillantirish va ular ongiga singdirish jarayonida faol ishtirok etish.
- O‘zbekiston Respublikasi konstitutsiyasini o‘rganish.
- Diniy ekstremizm, terrorizm, zo‘ravonlik, aqidaparastlik, giyohvandlik va boshqa salbiy illatlarga qarshi kurashish.
- Mustahkam, qudratli, buyuk davlat qurish uchun Mustaqil O‘zbekistonning Milliy mafkurasini yoshlarimiz o‘rtasida muntazam ravishda targ‘ibot qilib borish.
- Axloq va xuquqshunoslik haqidagi, o‘lkashunoslikga doir adabiyotlarni targ‘ibot qilish.
- Yoshlarni vatanparvarlik, mehnatsevarlik ruhida tarbiyalash maqsadida: Davra suhbatlari, savol - javob kechalar, anjumanlar, kitob ko‘rgazmalari , adabiy - musiqali kechalar va uchrashuvlar tashkil qilish.
- Foydalanuvchilarning intellektual, ma’naviy - axloqiy, madaniy va ta’lim olish ehtiyojlarini qanoatlantirish uchun shart – sharoitlar yaratish;
- Umumta’lim muassasasi g‘oyaviy – siyosiy, ma’naviy – ma’rifiy ishlarida, kasaba uyushmalari hamda fan o‘qituvchilari bilan hamkorlikda tadbirlar o‘tkazishda qatnashish.