O’zbekiston Respublikasi Toshkent viloyati Quyi-chirchiq tumani Moliya bo’liminingning nizomi I. Umumiy qoidalar

O‘zbekiston Respublikasi Moliya
vazirligining 2018-yil 17-yanvardagi
8-sonli buyrog’iga
2-ilova


O’zbekiston Respublikasi Toshkent viloyati Quyi-chirchiq tumani Moliya bo’liminingning nizomi
I. Umumiy qoidalar
1. Toshkent viloyati Quyi-chirchiq tumani Moliya bo’limi (bundan keyin matnda Quyi-chirchiq tumani Moliya bo’limi deb yuritiladi) O’zbekiston Respublikasi Moliya vazirligi (bundan keyin matnda Moliya vazirligi deb yuritiladi) tizimiga kiradi.
Quyi-chirchiq tumani Moliya bo’limi yagona byudjet va soliq siyosatini yuritishda ishtirok etadi, tuman va shahar darajasidagi boshqa davlat boshqaruvi organlarining ushbu sohadagi faoliyatini muvofiqlashtiradi hamda o’z faoliyatida tuman va shahar hokimligiga, shuningdek, tegishli hududning Moliya boshqarmasiga (bundan keyin matnda moliya boshqarmasi deb yuritiladi) bo’ysunadi.
2. Quyi-chirchiq tumani Moliya bo’limi o’z faoliyatida O’zbekiston Respublikasi Konstitutsiyasiga, O’zbekiston Respublikasi qonunlariga, O’zbekiston Respublikasi Oliy Majlisi palatalari qarorlariga, O’zbekiston Respublikasi Prezidenti farmonlari, qarorlari va farmoyishlariga, O’zbekiston Respublikasi Vazirlar Mahkamasi qarorlari va boshqa normativ-huquqiy hujjatlariga, shuningdek Quyi-chirchiq tumani Moliya bo’limi nizomiga amal qiladi.
3. Quyi-chirchiq tumani Moliya bo’limi o’z faoliyatini boshqa davlat boshqaruv organlari, mahalliy davlat hokimiyati organlari, jamoat tashkilotlari va boshqa davlatlar bilan hamkorlikda amalga oshiradi.
4. Quyi-chirchiq tumani Moliya bo’limi O’zbekistin Respublikasining respublika byudjeti mablag’lari hisobidan saqlanadi. Moliya bo’limining tuzilmasi va boshqaruv xodimlarining cheklangan soni O’zbekiston Respublikasi Moliya Vaziri tomonidan Moliya organlari boshqaruv xodimlarining belgilangan soni doirasida belgilanadi.
5. Umuman olganda Quyi-chirchiq tumani Moliya bo’limi yuridik shaxs bo’lib, mustaqil balansiga, hisobvaraqlariga (shaxsiy g’azna hisobvaraqlariga), O’zbekiston Respublikasi Davlat Gerbi tasvirlangan va o’z nomi tushurilgan muxriga ega.