O‘zbekiston – yagona vatan

O‘ZBEKISTON – YAGONA VATAN
Oʻzbekiston (rasman: Oʻzbekiston Respublikasi) — Markaziy Osiyoning markaziy qismida joylashgan mamlakat. Amudaryo va Sirdaryo oralig‘ida joylashgan. Poytaxti — Toshkent shahri, davlat tili — oʻzbek tili hisoblanadi. Maydoni — 448,978 km kv. Aholi soni (2020) 34 mln dan ortiq. Pul birligi — soʻm. Oʻzbekiston Respublikasi 12 ta viloyat, Toshkent shahri va Qoraqalpogʻiston Respublikasidan iboratdir, shuningdek, davlat mustaqil, demokratik, dunyoviy va konstitutsiyaviy davlat ham hisoblanadi. Oʻzbekiston MDH, BMT, YXHT, va SHHT aʼzosidir. Oʻzbekiston shimoldan Qozogʻiston; shimoli-sharqdan Qirgʻiziston; janubi-sharqdan Tojikiston; janubdan Afgʻoniston; va janubi-gʻarbiy qismida Turkmaniston bilan chegaradosh.
Iqlimi mo‘tadil. O‘zbekiston paxta va ipak mahsulotlarini yetishtirish bo‘yicha yetakchi hisoblanadi. Shuningdek, mazkur hudud tabiiy yer osti va yer usti boyliklarga boy.
Oʻzbekiston iqtisodiyoti bozor iqtisodiyotiga bosqichma-bosqich oʻtadi, tashqi savdo siyosati import oʻrini bosishga asoslangan. Oʻzbekiston paxta tolasini ishlab chiqaruvchi va eksport qiluvchi yirik korxonadir. Mamlakatda shuningdek, dunyodagi eng yirik oltin koni mavjud.
Taʼlim Oʻzbekiston Respublikasi ijtimoiy taraqqiyoti sohasida ustuvor deb eʼlon qilinadi. Jinsi, tili, yoshi, irqiy, milliy mansubligi, eʼtiqodi, dinga munosabati, ijtimoiy kelib chiqishi, hizmat turi, ijtimoiy mavqei, turar joyi, Oʻzbekiston Respublikasi hududida qancha vaqt yashayotganligidan qatʼiy nazar, har kimga bilim olishda teng huquqlar kafolatlanadi.
Boshqa davlatlarning fuqarolari Oʻzbekiston Respublikasida halqaro shartnomalarga muvofiq bilim olish huquqiga ega. Respublikada istiqomat qilayotgan fuqaroligi boʻlmagan shaxslar bilim olishda Oʻzbekiston Respublikasi fuqarolari bilan teng huquqlarga ega.
O‘zbekiston mustaqillikka erishganidan so‘ng juda ko‘p xalqaro tashkilotlar bilan aloqalar o‘rnatildi. Xususan,1992-yil Birlashgan Millatlar Tashkiloti a’zoligiga qabul qilinishi bu sohada dastlabki qadam bo‘ldi.


Topshiriqlar:.

1. 
   Matn bo‘yicha savollar tuzing.
   

Savollar
1.O’zbekistonning poytaxti qanday nomlanadi?

2.O’zbekistonning maydoni qancha?
3.O’zbekistonning pul birligi qanday?
4.O’zbekistonda nechta viloyat bor?
5.O’zbekiston qaysi davlatlar bilan chegaradosh?
Xusanov Abdurasul