Oliy ta’lim muassasalarining rahbar va pedagog kadrlarini qayta tayyorlash va malakasini oshirishga qo‘yiladigan davlat ta’lim talablarini tasdiqlash to‘g‘risida

Oliy ta’lim muassasalarining rahbar va pedagog kadrlarini qayta tayyorlash va malakasini oshirishga qo‘yiladigan davlat ta’lim talablarini tasdiqlash to‘g‘risida

O‘zbekiston Respublikasi “Ta’lim to‘g‘risida”gi Qonuni, Vazirlar Mahkamasining 2019-yil 23-sentabrdagi “Oliy ta’lim muassasalari rahbar va pedagog kadrlariining malakasini oshirish tizimini yanada takomillashtirish bo’yicha qo‘shimcha chora-tadbirlar to‘g‘risida”gi 797-sonli qarori va O‘zbekiston Respublikasi Oliy va o‘rta maxsus ta’lim vazirining 2022-yil 24-maydagi 188-sonli buyrug‘ida belgilangan vazifalarning ijrosini ta’minlash maqsadida

B U Y U R A M A N:

1. 
   O‘zbekiston Respublikasi “Ta’lim to‘g‘risida”gi Qonuni, Vazirlar Mahkamasining 2019-yil 23-sentabrdagi “Oliy ta’lim muassasalari rahbar va pedagog kadrlariining malakasini oshirish tizimini yanada takomillashtirish bo’yicha qo‘shimcha chora-tadbirlar to‘g‘risida”gi 797-sonli qarori va O‘zbekiston Respublikasi Oliy va o‘rta maxsus ta’lim vazirining 2022-yil 24-maydagi 188-sonli buyrug‘i rahbarlik va ijro uchun qabul qilinsin.
   

2. Toshkent davlat o‘zbek tili va adabiyoti universiteti O‘quv ishlari bo‘yicha prorektor (S.Normamatov), Ilmiy ishlar va innovatsiyalar bo‘yicha prorektor v.v.b. (N.Jo‘raqo‘ziyev) O‘quv-metodik bo‘lim boshlig‘i (V.Nazarov) va universitet huzuridagi pedagog kadrlarni qayta tayyorlash va malakasini oshirish tarmoq Markazi direktori (Z.I.Mirzayeva)larga:
ikki oy muddatda amaldagi normativ va o‘quv-metodik hujjatlarni Oliy va o‘rta maxsus ta’lim vazirining 2022-yil 24-maydagi 188-sonli buyrug‘i biulan tasdiqlangan “Oliy ta’lim muassasalarining rahbar va pedagog kadrlarini qayta tayyorlash va malakasini oshirishga qo‘yiladigan davlat ta’lim talablari”ga muvofiqlashtirish;
oliy ta’lim muassasalarining rahbar va pedagog kadrlarini qayta tayyorlash va malakasini oshirish mazmuni, sifati va ularning tayyorgarligi hamda kompetentligiga qo‘yiladigan malaka talablari hamda qayta tayyorlash va malaka oshirish kurslari dasturlarini davlat ta’lim talablari asosida ishlab chiqish;
qayta tayyorlash va malaka oshirish turlari, shakllari hamda qayta tayyorlash va malaka oshirish kurslari o‘quv yuklamalari hajmini belgilashda davlat ta’lim talablariga qat’iy amal qilinishi nazoratga olish vazifalari yuklatilsin.
3. Mazkur buyruqning bajarilishini nazorat qilish O‘quv ishlari bo‘yicha prorektor S.Normamatov zimmasiga yuklatilsin.


Asos: O‘zbekiston Respublikasi Oliy va o‘rta maxsus ta’lim vazirining 2022-yil 24-maydagi 188-sonli buyrug‘i
Rektor: Sh.Sirojiddinov

Loyiha kiritdi: Tarmoq markazi direktori ___________ Z.Mirzayeva

Kelishildi: O‘quv-metodik bo‘lim boshlig‘i: ________________ V.Nazarov Yoshlar masalalari va ma’naviy- ma’rifiy ishlar bo‘yicha birinchi prorektor: _______________ B. Xoliqov O‘quv ishlari bo‘yicha prorektor: _______________ S.Normamatov Ilmiy ishlar va innovatsiyalar bo‘yicha prorektor v.v.b.: _______________ N.Jo‘raqo‘ziyev Xalqaro hamkorlik bo‘yicha prorektor: _______________ N. Normurodova