Mustaqil ish mavzu : piridoksin

Fiziologiyasi, anatomiyasi va gegiena fanidan

MUSTAQIL ISH

Mavzu : PIRIDOKSIN

Tayyorladi : BTS-125 guruh talabasi
Ikromjonova Rayhona Ilxomjon qizi
O’qituvchi : Zubtiyev Sardor O’ktamovich


Piridoksin, piridoksol, V6 vitamini — suvda eriydigan vitamin; piridin hosilasi. Toʻqimada piridoksalfosfat (asosan, aminokislotalarning sintezlanish va parchalanish reaksiyalarida qatnashuvchi ko-ferment)ga aylanadi. Goʻsht, baliq, sut, jigar, hamirturush, koʻpgina oʻsimlik mahsulotlarida boʻladi. Ichak mikro-florasida sintezlanadi. P. yetishmasligi odam va hayvonlarda dermatit, tomir tortishishi, anemiyaga sabab boʻladi. Kimyoviy sintezlab olinadigan P. tibbiyotda ishlatiladi. [1]
Farmakologik xususiyatlari

V6 vitamini moddalar almashinuvida ishtirok etadi; markaziy va periferik nerv tizimini normal faoliyat ko‘rsatishi uchun muhim hisoblanadi. Organizmga tushib u fosforlanadi, piridoksal-5-fosfatga aylanadi va dekarboksillanish, transaminlanish va aminokislotalar rasemizasiyasi, shuningdek oltingugurt saqlovchi va gidroksillangan aminokislotalarni fermentativ aylanishini amalga oshiruvchi fermentlar tarkibiga kiradi.

Triptofan, metionin, sistein, glutamin va boshqa aminokislotalar almashinuvida ishtirok etadi. Gistamin almashinuvida muhim rol o‘ynaydi. Lipidlar almashinuvini normallashishiga yordam beradi. Piridoksinning alohida tanqisligi kam uchraydi, asosan maxsus sun‘iy ovqatlantirishda bo‘lgan bolalarda uchraydi. Diareya, tirishishlar, anemiya bilan namoyon bo‘ladi, periferik nevropatiya rivojlanishi mumkin.

Piridoksinga bo‘lgan sutkalik ehtiyoj kattalar uchun – 2-2,5 mg; 6 oydan 1 yoshgacha bo‘lgan bolalar uchun – 0,5 mg; 1-1,5 yoshda – 0,9 mg; 1,5-2 yoshda – 1 mg; 3-4 yoshda – 1,3 mg; 5-6 yoshda 1,4 mg; 7-10 yoshda – 1,7 mg; 11-13 yoshda – 2 mg; 14-17 yoshli o‘smirlar uchun – 2,2 mg; 14-17 yoshli qizlar uchun – 1,9 mg. Ayollar uchun – 2 mg va homiladorlikda qo‘shimcha 0,3 mg ni tashkil qiladi.