Mavzu : Bojxona haqidagi qonun hujjatlarini buzganlik uchun javobgarlik. Reja

_{Mavzu :} Bojxona haqidagi qonun hujjatlarini buzganlik uchun javobgarlik.


Reja:
1. Bojxona haqidagi qonun hujjatlarining buzilishi tushunchasi
2. Bojxona haqidagi qonun hujjatlarini buzganlik uchun beriladigan jazo turlari.
3. Bojxona haqidagi qonun hujjatlarini buzganlik uchun jinoiy javobgarlik.
4. Kontrabanda jinoyatining tushunchasi va uning uchun javobgarlik.


1. Bojxona haqidagi qonun hujjatlarining buzilishi tushunchasi.
Bojxona kodeksida bojxona haqidagi qonun hujjatlari buzilishi tushunchasiga keng izoh berilgan. Ushbu moddaga muvofiq Bojxona kodeksida va O‘zbekiston Respublikasining boshqa qonun hujjatlarida belgilangan bojxona qoidalariga rioya etmaslik bojxona haqidagi qonun hujjatlarining buzilishi deb hisoblanadi.
Javobgarlik sub’yektlari. Bojxona haqidagi qonun hujjatlarining buzilganligi uchun javobgar­lik sub’yektlarini aniqlashda shuni nazarda tutish kerakki, quyidagi O‘zbekiston Respublikasi shaxslari ham, xorijiy shaxslar ham ma’muriy javobgarlikka tortilishi mumkin:

1. 
   fuqarolar (ular huquqbuzarlik sodir etilgan paytda o‘n olti yoshga to‘lgan va aqli raso bo‘lganda);
   

b) mansabdor shaxs bu - mulk shaklidan qat’i nazar korxona, muassasa, tashkilotda muayyan mansabni egallab turgan shaxs, basharti unga rahbarlik, tashkiliy, farmoyish berish, tekshiruv-nazorat vazifalari yoki moddiy boyliklar harakati bilan bog‘liq bo‘lgan vazifalar yuklatilgan jismoniy shaxsdir. (Mansabdor shaxslar boshqaruv tartibini, davlat va jamoat tartibini saqlash, tabiiy muhitni, aholi sog‘lig‘ini muhofaza qilish sohasida belgilangan qoidalarga va bajarilishini ta’minlash o‘z xizmat vazifalariga kiradigan boshqa qoidalarga rioya etmaganlik bilan bog‘liq ma’muriy huquqbuzarlik sodir etganliklari uchun ma’muriy javobgarlikka tortilishlari lozim.)

v) yuridik shaxslar (mulkchilik shakllaridan qat’i nazar korxonalar, tashkilotlar, muassasalar);

-o‘z mulkida, xo‘jalik yuritishida yoki operativ boshqaruvida alohida mol-mulkka ega bo‘lgan hamda o‘z majburiyatlari yuzasidan ushbu mol-mulk bilan javob beradigan, o‘z nomidan mulkiy yoki shaxsiy nomulkiy huquqlarga ega bo‘la oladigan va ularni amalga oshira oladigan, majburiyatlarni bajara oladigan, sudda da’vogar va javobgar bo‘la oladigan tashkilot yuridik shaxs hisoblanadi. Bunda yuridik shaxslar mustaqil balans yoki smetaga ega bo‘lishlari kerak.