Mavzu : Bojxona haqidagi qonun hujjatlarini buzganlik uchun javobgarlik. Reja

2. Bojxona haqidagi qonun hujjatlari buzishni sodir etish quroli yoki bevosita ashyosi hisoblangan tovarlar va transport vositalarini musodara qilish.
Musodara qilish — bojxona qoidalari buzilishi ob’yekti hisoblangan tovarlar va transport vositalarining davlat mulkiga majburiy tekinga olib qo‘yilishi qonun hujjatlarida belgilangan tartibda amalga oshiriladi.
Jarima jazo chorasi asosiy jazo sifatida qo‘llaniladi, Bojxona haqidagi qonun hujjatlari buzishni sodir etish quroli yoki bevosita ashyosi hisoblangan tovarlar va transport vositalarini musodara qilish jazosi esa ham asosiy ham qo‘shimcha jazo sifatida qo‘llanilishi mumkin.
3. Bojxona haqidagi qonun hujjatlarini buzganlik uchun jinoiy javobgarlik.

Bojxona haqidagi qonun hujjatlarini buzganlik uchun jinoiy javobgarlik O‘zbekiston Respublikasi Jinoyat kodeksining 182-moddasida nazarda tutilgan.

Bojxona to‘g‘risidagi qonun hujjatlarini buzish. Jinoyat kodeksining 182-moddasiga ko‘ra, bojxona nazoratini chetlab yoki bojxona nazoratidan yashirib yoxud bojxona hujjatlari yoki vositalariga o‘xshatib yasalgan hujjatlardan aldash yo‘li bilan foydalangan holda yoki deklaratsiyasiz yoxud boshqa nomga yozilgan deklaratsiyadan foydalanib, tovar yoki boshqa qimmatliklarni ko‘p miqdorda O‘zbekiston Respublikasining bojxona chegarasidan o‘tkazish, shunday harakat uchun ma’muriy jazo qo‘llanilganidan keyin sodir etilgan bo‘lsa, -
eng kam oylik ish haqining uch yuz baravarigacha miqdorda jarima yoki ikki yilgacha axloq tuzatish ishlari yoxud besh yilgacha ozodlikdan mahrum qilish bilan jazolanadi.
Bojxona to‘g‘risidagi qonun hujjatlarini buzish:
a) juda ko‘p miqdorda;
b) chegarani buzib o‘tish, ya’ni bojxona xizmatining roziligini olmasdan turib, tovar yoki boshqa qimmatliklarni O‘zbekiston Respublikasining bojxona chegarasidan ochiqdan-ochiq o‘tkazish yo‘li bilan;
v) uyushgan guruh tomonidan yoki uning manfaatlarini ko‘zlab;
g) xizmat lavozimidan foydalangan holda sodir etilgan bo‘lsa, -
eng kam oylik ish haqining uch yuz baravaridan olti yuz baravarigacha miqdorda jarima yoki uch yilgacha axloq tuzatish ishlari yoxud besh yildan sakkiz yilgacha ozodlikdan mahrum qilish bilan jazolanadi.