Машғулот Мавзу: «Мустақиллик байрами» мавзусида суҳбат

1-машғулот
Мавзу: «Мустақиллик байрами» мавзусида суҳбат
Мақсад: Болаларни сурат бўйича мазмунли ҳикоя тузишга, суҳбат пайтида фаол иштирок этишга ундаш, суратда акс эттирилган воқеаларни изчил баён қилишни, мавзу бўйича берилган саволларга тушуниб, қисқа ва тўлиқ жавоб бериш, ўртоқларининг бераётган жавобларига эътибор бериш малакасини такомиллаштириш. Суҳбат давомида болалар қалбида мустақиллик байрамига нисбатан муҳаббат, миллий ғурур ҳиссини тарбиялаш.
Вазифалар:
«Мустақиллик байрами», «Миллий боғ» мавзуларида луғатни фаоллаштириш.
Воқеа-ҳодисаларнинг муҳим белгиларини ажратишга, солиштиришга ва умумлаштиришга, уларни ифодалаш учун аниқ сўзларни танлашга ўргатиш.
Боғланишли нутқ—ҳикоя тузиш кўникмаларини шакллантириш.
Нутқнинг ифодалилигини тарбиялаш.
Гап. Гапни сўзларга бўлишга ўргатиш.
Кутилаётган натижалар:
Сурат бўйича мазмунли ҳикоя тузишга, суратдаги тасвирдан олдинги воқеаларни мустақил ўйлашга ўрганадилар.
Грамматик жиҳатдан тўғри сўзлашга интилади
Керакли жиҳозлар:
«Мустақиллик майдони- тинчлик рамзи» сурати
Машғулотнинг бориши. Сурат илиб қўйилади ва мазмуни бўйича суҳбат ўтказилади.
-Болалар, Ватанимизда ҳар йили 1-сентябр куни мустақиллик байрами бўлади. Байрам куни Ўзбекистон Республикаси Президенти Ислом Каримов халқимизни байрам билан табриклайдилар. Сўнг майдонда томоша бўлади. Болалар, сиз ҳам байрамда сайлга чиқдингизми? Қаерга, ким билан бордингиз, қандай томошаларни кўрдингиз?
Ҳозир биз «Мустақиллик байрами» номли суратни кўриб, сурат бўйича ҳикоя тузишни ўрганамиз. Суратга диққат билан қаранг.
Суратда кимлар тасвирланган?
Болалар қиёфасида қандай ҳолат ифодаланган?
Болаларнинг қўлларида нималар бор? (байроқча, шар, гул)
Кимлар доира чаляптилар?
Кимлар рақсга тушяптилар? (катталар, болалар)
Байрам сайлида сиз ҳам иштирок этдингизми?
Байрамда нималарни кўрдингиз?
Миллий боғда қандай томошаларни кўрдингиз?
Жисмоний дақиқа
Эшитиш диққатини ривожлантириш мақсадида ҳаракатли ўйин ўргатиш

Тарбиячи сўзи

Оёғимиз тақ– тақ – тақ, Қўлимиз чапак – чапак. Бошимиз сарак – сарак Қўлимизни кўтардик, Секингина туширдик. Энди эҳтиёт бўлиб Жойимизда айландик Қўлни ёнга туширдик Доира бўйлаб югурдик

Келинглар, энди сурат асосида ҳикоя тузамиз.(5-6та бола ҳикоялари тингланади)