Маҳалладаги хотин-қизлар фаолининг иш жараёнини самарали ташкил этиш юзасидан тавсиялар

Маҳалладаги хотин-қизлар фаолининг иш жараёнини самарали ташкил этиш юзасидан
ТАВСИЯЛАР
Хотин-қизларни оила, маҳалла ва меҳнат жамоаларида ижтимоий-ҳуқуқий жиҳатдан қўллаб-қувватлаш, ижтимоий-сиёсий фаоллигини ошириш, маънавиятини юксалтириш, ёшларни оилавий ҳаётга тайёрлаш, замонавий намунали оилани шакллантириш, унинг маънавий-ахлоқий муҳитини ва анъанавий оилавий қадриятларни мустаҳкамлаш бўйича мақсадли чора-тадбирларни амалга ошириш.
Ўзбекистон Республикаси Президентининг 2022 йил 1 мартдаги “Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида”ги ПФ-81-сон Фармонида қуйидагилар маҳалладаги хотин-қизлар фаолининг асосий вазифалари этиб белгиланган.
“Аёллар маслаҳат кенгашлари” билан яқин ҳамкорликда ижтимоий ҳимояга муҳтож хотин-қизларни тадбиркорликка ўқитиш, бизнесга оид намунавий режаларни ишлаб чиқиш ва кредит олишда уларга кўмаклашиш, “Аёллар дафтари”га киритилган хотин-қизлар билан манзилли ишларни амалга ошириш.
Хотин-қизларнинг тадбиркорлик ғояларини амалга ошириш, улар фаолиятига кредит, субсидия ва бошқа ёрдам чораларини жалб қилиш бўйича маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳоким ёрдамчиси билан ҳамкорлик қилиш.
Хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган хотин-қизлар, шу жумладан, ногиронлиги бўлган аёллар билан якка тартибда ҳамда аниқ мақсадга йўналтирилган ишларни олиб бориш, уларга ижтимоий-ҳуқуқий, психологик ва моддий ёрдам кўрсатиш ишларини ташкил этиш.
Мазкур вазифаларнинг ижросини таъминлаш учун маҳаллалардаги хотин-қизлар фаоллари қуйидаги йўналишларда иш ташкил этади:
I. ОИЛАВИЙ ҚАДРИЯТЛАРНИ МУСТАҲКАМЛАШ ЙЎНАЛИШИДА:
Ёшларни оилавий ҳаётга тайёрлаш ишларини тизимли ташкил этиш:

• ФҲДЁ бўлими ходимлари билан биргаликда турмуш қуриш учун ариза берган ёшлар ва уларнинг оила аъзолари билан суҳбатлашиб, уларга оилавий муносабатлар, тўй-ҳашамларни ихчам ўтказиш, никоҳдан олдинги тиббий кўрикдан ўтиш ва бошқа масалаларда тегишли тушунча ҳамда тавсияларни беради;

1

• Ҳудуддаги таълим муассасалари, тиббиёт ходимлари билан биргаликда ёшлар ўртасида “Оила муқаддас-никоҳ муқаддас” ғояси остида давра суҳбатлари, ибратли оила вакиллари билан учрашувлар, ўтказилишини ташкил этади;

• ФҲДЁ бўлими ходимлари, маҳалладаги ёшлар етакчиси билан биргаликда турмуш қуриш учун ариза берган ёшларни “Ёшларни оилавий ҳаётга тайёрлаш маркази”даги ўқувларига жалб этиш, бу борада тарғибот тадбирларини ташкил этишда ҳамкорлик қилади.