Konstitutsiya xalqimiz oliy irodasining qonuniy ifodasidir

KONSTITUTSIYA XALQIMIZ
OLIY IRODASINING QONUNIY IFODASIDIR
“Avvalo, barchamiz bir haqiqatni anglab, tushunib bormoqdamiz – bugun jamiyatimizda qanday yutuq va marralarga erishayotgan bo`lsak, bularning poydevorida Konstitutsiyamiz, buyuk
hayot qomusimiz turibdi“.
1990-yil iyun oyida Respublika Oliy Kengashining ikkinchi sessiyasida Konstitutsiya loyihasini tayyorlash uchun komissiya tuzildi. Mazkur komissiya Konstitutsiya loyihasini umumxalq muhokamasiga qo`yish to`g`risida qaror qabul qildi va u 1992-yil 26-sentyabrda birinchi marta, 1992-yil 21-noyabrda ikkinchi marta matbuotda e’lon qildi. 1992-yil 8-dekabr kuni O‘zbekiston Respubli-kasi Oliy Kengashining o`n ikkinchi chaqiriq o‘n birinchi sessiyasida qa-bul qilindi. Oliy qonunimiz Konsti-tutsiya – Muqaddima, 6 bo`lim, 26 bobni tashkil etgan 128 moddadan iborat.
Konstitutsiyamizning qabul qilinishi:
Asosiy Qonunimizning oldingilaridan va boshqa davlatlarning Konstitutsiyalaridan ajralib turadigan o`ziga xos jihatlari quyidagilardan iborat:
Birinchidan, 1992 yilgi Konstitutsiya o`zining tub mohiyati va falsafasi, maqsadlari va g`oyalariga ko`ra yangi hujjatdir.
Ikkinchidan, Konstitutsiyaga yangi konstitutsiyaviy institutlari vavjudligi bilan ajralib turadi.
Uchinchidan, Asosiy Qonun o`ta mafkuralashtirish va siyosatlashtirish ruhi bilan sug`orilmagan.
To`rtinchidan, Konstitutsiyamiz jahon hamjamiyati tomonidan e'tirof etilgan xalqaro huquq talab va qoidalariga javob beradigan tarzda tayyorlangan.
Beshinchidan, Konstitutsiyamiz jahon konstitutsiyaviy amaliyoti hamda o’zbek davlatchiligi rivoji tarixiy tajribasiga tayanishi va ijobiy tomonlardan atroflicha foydalanganligi bilan ham ajralib turadi.
Oltinchidan, Konstitutsiyamizni mustaqil davlatimiz ravnaqining huquqiy kafolati darajasiga ko`taruvchi jahonning ilg`or konstitutsiyaviy tajribasini milliy-ma'naviy va huquqiy qadriyatlarimizga, o`zbek xalqining boy tarixiga uyg`unlashtirilib qo`llanilganidadir.
O`zbekiston Respublikasi Konstitutsi-yasining muqaddasligi shundaki, u mustabid tuzum, uning mafkuraviy aqidalaridan millatimizni xalos etish, zamonaviy hayot kechirish, yashash, fikrlashga o’tish, O`zbekistonda, mintaqamizda, balki butun dunyoda tinchlikni saqlab qolish, barqaror hayotimizni davom ettirish, hududiy, etnik va madaniy yaxlitligimiz, bir butunligimiz va daxlsizligimizni ta’minlash, o’zimiz tanlagan inson huquqlarini ta’minlash demokratiya va ijtimoiy adolatga sadoqatini namoyon qilgan holda izchil, og’ishmay va sobit qadamlik bilan rivojlanishni ko’rsatib berdi.