Kirish (falsafa doktori (RM)) dissertatsiyasi annotatsiyasi)

KIRISh (falsafa doktori (RM)) dissertatsiyasi annotatsiyasi)

Dissertatsiya mavzusining dolzarbligi va zarurati. Jahonda kimyo ta’lim-tarbiya jarayonidagi muhim muammolarni hal etishda AKT sohasidagi yangi yondashuvlar, innovatsion metod va vositalarni tatbiq etish, bioorganik kimyo bo’yicha kompetentli mutaxassislarni tayyorlash tizimini takomillashtirishga e’tibor qaratilmoqda. Bioorganik kimyo fanini modernizatsiyalash borasida yuqori natijalarga erishilgan. Xususan, genetik kodlarni tahlil qilish, klonlash, terpenlar va steriodlarga yangi moddalarning qo’shilishi, konformatsion izomeriya (keto-enol tautomeriya)larning aylanma jarayonlari talabalar uchun qiziqarli va mustaqil faoliyatga yo’naltirishda muhim ahamiyat kasb etadi.

Dunyoda kimyo fanini o’qitishda elektron axborot-ta’lim muhitini (e-1eattd) yangicha shakllarini yaratish, rivojlangan mamlakatlarda DNK va RNKlarni o’rganish kompetentsiyasiga ega bo’lgan oqsil muhandisligi¹, o’quv jarayonini virtual loyihalash (V1ti1aPo1K) va xalqaro baholash dasturlari asosida kasbiy tayyorgarligini orttirish bo’yicha ilmiy izlanishlar olib borilgan. Mazkur tadqiqotlarning amaliy qamrovini kengaytirish maqsadida kimyo yo’nalishi talabalari uchun “Bioorganik kimyo” fanidan elektron ta’lim resurslaridan samarali foydalanish, onlayn ta’lim tizimlari bilan metodik tizimini uyg’unlashtirishning pedagogik- psixologik echimiga qaratilganligi bilan ahamiyatlidir.

O’zbekistonda kimyo-biologiya ta’limini isloh qilish, elektron resurslar va masofaviy ta’limni yanada rivojlantirish, salohiyatli pedagog kadrlar tayyorlash tizimini tubdan modernizatsiyalash bo’yicha amalga oshirilgan islohotlar imkoniyati yanada oshdi. “Zero, o’g’il-qizlarimizni kimyo va biologiya fanlari bo’yicha chuqur o’qitish hududlarda yangi-yangi ishlab chiqarish korxonalarini barpo etish, yuqori qo’shilgan qiymat yaratadigan farmatsevtika, neft, gaz, kimyo, tog’-kon, oziq-ovqat sanoati tarmoqlarini jadal rivojlantirishga turtki beradi hamda pirovardida xalqimiz turmush sharoiti va daromadlarini oshirishga puxta zamin hozirlaydi”². Ushbu yaratilgan imkoniyatlar kimyo ta’limida, jumladan, bioorganik kimyo fanini o’qitishning dasturiy vositalaridan samarali foydalanish texnologiyalarini takomillashtirish orqali ta’lim sifatini oshirish zaruratini yuzaga keltirmoqda.

O’zbekiston Respublikasi Prezidentining 2017 yil 7 fevraldagi PF- 4947-son “O’zbekiston Respublikasini yanada rivojlantirish bo’yicha Harakatlar strategiyasi to’g’risida”gi farmoni, 2017 yil 20 apreldagi PQ- 2909-son “Oliy ta’lim tizimini yanada rivojlantirish chora-tadbirlari to’g’risida”gi qarori, Vazirlar Mahkamasining 2012 yil 25 iyuldagi “O’zbekiston Respublikasi Oliy va o’rta maxsus ta’lim vazirligi huzurida ta’lim muassasalarida elektron ta’limni joriy etish markazini tashkil etish to’g’risida”gi 228-son qarori hamda O’zbekiston Respublikasi Prezidentining 2020 yil 12 avgustdagi PQ-48(5-son “Kimyo va biologiya yo’nalishlarida uzluksiz ta’lim sifatini va ilm-fan natijadorligini oshirish chora-tadbirlari to’g’risida”gi qarori, O’zbekiston Respublikasining “Ta’lim to’g’risida”gi O’RQ-637-son 2(2( yil 23 sentyabrdagi qonuni³ va mazkur sohaga tegishli boshqa me’yoriy-huquqiy hujjatlarda belgilangan vazifalarni amalga oshirishda ushbu dissertatsiya ishi muayyan darajada xizmat kiladi.