Kimyodan rangli tajribalar

Kimyodan rangli tajribalar
Tajribani eritma tayyorlashdan boshlaymiz :

• 
  Mis kuporosi eritmasi(150 g suv + 1 ch.q.tuz),
  
• 
  Osh tuzi eritmasi (150 g suv + 6 ch. q.tuz),
  
• 
  Margansovka eritmasi (150 g suv + 1-2 bo’lakcha tuz),
  
• 
  Yod eritmasi (100 g suvga + 1-2 tomchi yod),
  
• 
  Kraxmal (100 g suvga + 1 ch. q.).
  

Yashil rangli tajriba
Kerakli jihozlar va reaktivlar: osh tuzining to’yingan eritmasi, mis kuporosi eritmasi, bo’sh shisha idish ( masalan, stakan).
Tajribaning borish tartibi: bo’sh stakanga 50 g osh tuzi (shaffof suyuqlik) eritmasidan solamiz. Ustidan 50 g mis kuporosi (havo rangli suyuqlik) eritmasidan quyamiz. Reaksiya natijasida stakanda yashil rangli eritma hosil bo’ladi.


Ko’k rangli tajriba
Kerakli jihozlar va reaktivlar: nashatir spirt, mis kuporosi eritmasi, bo’sh shisha idish ( masalan, stakan).
Tajribaning borish tartibi: bo’sh stakanga 50 g mis kuporosi (havo rangli suyuqlik) eritmasidan quyamiz. Eritmaga 1-2 tomchi shaffof nashatir spirtdan tomchilatiladi. Reaksiya natijasida stakandagi havo rang eritma ko’k rangli eritmaga aylanadi.

Kimyodan rangli tajribalar
Binafsha rangli tajriba
Kerakli jihozlar va reaktivlar: yod eritmasi, kraxmal eritmasi, bo’sh shisha idish ( masalan, stakan).
Tajribaning borish tartibi: bo’sh stakanga 50 g kraxmal (shaffof suyuqlik) eritmasidan solamiz. Ustidan 50 g yod (sariq rangli suyuqlik) eritmasidan quyamiz. Reaksiya natijasida stakanda to’q binafsha rangli eritma hosil bo’ladi.

Och jigar rangli tajriba
Kerakli jihozlar va reaktivlar: margansovka eritmasi, sut, bo’sh shisha idish ( masalan, stakan).
Tajribaning borish tartibi: bo’sh stakanga 50 g sut solamiz. Ustidan 1 osh qoshiq margansovka (malina rangli suyuqlik) eritmasidan quyamiz. Reaksiya natijasida stakandagi sut och jigar rangli eritmaga aylanadi.


Kimyodan rangli tajribalar
Rangsizlanish tajribasi
Kerakli jihozlar va reaktivlar: margansovka eritmasi, sirka kislota eritmasi, vodorod peroksideritmasi, bo’sh shisha idish ( masalan, stakan).
Tajribaning borish tartibi: bo’sh stakanga 50 g margansovka (och malina rangli suyuqlik) eritmasidan quyamiz. Ustidan 1 ch.q. sirka kislota (shaffof suyuqlik) eritmasidan quyamiz. Suyuqlik rangi o’zgarmaydi. Endi eritmaga yarim choy qoshiq vodorod peroksid eritmasidan quyamiz. Ko’z o’ngimizda eritma rangsizlanadi. Agar margansovka eritmasiga oldin sirka solinsa jigar rangli eritma hosil bo’ladi.

Narbayeva F.K.