Kasb-hunar maktabi

O’ZBEKISTON RESPUBLIKASI OLIY VA O’RTA MAXSUS TA`LIM VAZIRLIGI

YAKKABOG’ TUMAN 2-SON

KASB-HUNAR MAKTABI

Yakkabog’ shahri

«Tasdiqlayman»

Yakkabog’ tuman 2-son kasb-hunar maktabi direktori B. Xujaniyozov

___________

«31» avgust 2021-yil

_______________________________________________ guruh rahbari ______________________________________________________ning

2021-2022 o’quv yili uchun
T A R B I Y A V I Y

ISH REJASI

Yoshlar bilan ishlash

bo’yicha direktor o’rinbosari: ______ _________________

K i r i s h

Barkamol avlodni tarbiyalash insoniyatning eng yorqin orzusi bo’lib kelgan. Biroq dunyodagi xalqlarning barchasi ham bu haqda o’ylayvermagan. Bunday orzudagi insonlar azaliy ma`rifatga, madaniyatga mansub bo’lgan yurtlarning donishmandlari-eng mo’`tabar ziyolilari, hukmdorlari hisoblanganlar. Ularning orasida O’zbekiston deb atalmish muqaddas zaminimizda yashagan bobolarimizning o’z o’rni, hurmati bor. Bu jahon hamjamiyati tomonidan qabul qilingan haqiqatdir.

Istiqlol sharofati tufayli jahonga qayta yuz ochgan mustaqil diyorimizda barkamol avlodni tarbiyalash masalasiga katta ahamiyat qaratilmoqda. O’zbekistonning kelajagi bo’lmish yoshlarimizga ta`lim-tarbiya berish, ularni jismonan sog’lom, baquvvat, ma`naviy barkamol etib voyaga yetkazishga muhtaram Prezidentimizning o’zlari shaxsan bosh-qosh bo’lmoqdalar. YUrtboshimizning «Biz o’z iste`dodli, fidoiy bolalarimiz, farzandlarimizga bilim va kasb cho’qqilarini zabt etish uchun qanot berishimiz kerak» degan so’zlari buning yorqin dalilidir.

O’quv muassasasilarda ilm va saboq olayotgan o’quvchilarning chuqur, ilmiy-nazariy va amaliy bilimlarga ega bulishlarida hamda o’zlari tanlagan yo’nalishlari bo’yicha amaliy tajriba iqtidorini namoyon qila olishlari, shuningdek mustaqil fikrlash qobiliyatini o’zlarida tarannum etishlari uchun doimo o’z ustida ishlashlari va o’zlarida mehnatsevarlik, insonparvarlik, vatanparvarlik, ahloq-odob va shu kabi oliyjanob fazilatlarini, shu bilan birga jamiyat va davlat oldidagi burch va mas`uliyatlarini xis etishda guruh rahbarining tashabbukorligi, ijodkorligi va tashkilotchiligi muhim ahamiyat kasb etadi.

Guruh rahbari o’z ish faoliyatini bizning ongu tafakkurimizga, ma`naviyatimizga kishan bo’lib turgan eski asoratlardan holi, erkin fikrga ega bo’lgan, mustaqil o’z ishini boshqara oladigan, zamonning ilg’or talablariga javob beradigan vatanparvar, g’ayrat-shijoatli, mard, insof-diyonatli yoshlarni tarbiyalash kabi mas`uliyatli vazifa turganligini anglab yetgan holda olib bormog’i zarur. Shuning uchun ham guruh rahbari o’z ish faoliyatini yuksak pedagogik mahorat bilan olib borishi, pedagogik odobga rioya qilishi, keng tashkilotchilik qobiliyatini egallashi va tarbiyaviy ishga ijodiy yondosha bilishi lozim. Uning maqsadli, tinimsiz, uzluksiz, rejali ish olib borishi talab etiladi.

Guruh rahbarining tarbiyaviy ish rejasi asosiy me`yoriy xujjatlardan hisoblanib, uni yuritish uchun guruh rahbari mas`uldir.

Ushbu tarbiyaviy ish reja 2 yilga mo’jallangan bo’lib, tarbiyaaviy, manaviy-ma`rifiy,ijtimoiy-siyosiy mavzudagi tadbirlar bosqichma-bosqich talabaning yoshi, jismoniy, psixologik,fiziologik rivojlanish xususiyatlarini nazarda tutgan holda olib boriladi.

Shuningdek, unda O’zbekiston Respublikasi Prezidenti va O’zbekiston Respublikasi Vazirlar Mahkamasining terrorizimga qarshi kurash, ijtimoiy-manaviy muhitni yanada sog’lomlashtirish, diniy ekstremizim va aqidaparastlik, giyoxvandalikni oldini olish, Milliy istiqlol g’oyasi, asosiy tamoil va tushunchalari mavzularidagi Farmon va qarorlari hamda O’zbekiston Respublikasi Parlamentining so’ngi sessiyalari xujjatlarini, Milliy g’oya va mafkura tushunchalarini talabalar ongiga yetkazish, manaviy barkamol va sog’lom avlodni tarbiyalashga qaratilgan tadbirlar qamrab olingan.