Жавоб: Ҳазрати Умар сочларига биринчи оқ тушган

1-савол:
Ҳазрати Умар халифа бўлганларида бир содиқ инсонларини ёнларига чақириб шундай дейдилар: Мен сенга ҳар кун бир тилла тангадан бериб бораман эвазига эса сен ҳар куни ёнимга келиб, “ўлим бор Умар” деб айтиб кетасан. У инсон рози бўлди ва бу ишни Ҳазрати Умар айтганларидек қилиб бажарди. Кунлардан бир кун эса Ҳазрати Умар бу ишни қилишни тўхтатишни айтдилар. Бунга нима сабаб бўлган?
Жавоб: Ҳазрати Умар сочларига биринчи оқ тушган
2-савол:
Али р.а. шундай деганлар:
Осмонни энг титратувчи овоз - мазлумнинг ... (УЧ НУҚТА). Уч нуқта ўрнини 1 сўз билан мантиқий якунланг
Жавоб: Сукутидир
3-савол:
Анекдот. Суд мажлисидаги суҳбат.
- Ҳурматли, жабрланувчи. Демак, Сиз пластик картангизни ўғирлаган ўғри хотинингизга қараганда камроқ пул ишлатгани учун полицияга шикоят қилмагансиз, шундайми?
- Ҳа, муҳтарам судья, худди шундай.
- Унда нима сабабдан охир-оқибат барибир полицияга шикоят қилдингиз?
- Чунки...
Жабрланувчининг хотинига боғлиқ эмаслигини инобатга олган ҳолда, жумлани бир нечта сўз билан тўлдиринг.
Жавоб: Карточкам ўғрининг хотинининг қўлига тушиб қолди
4-савол:
Араб мақолида у отга (минадиган от) ўхшатилган. Уни асрасанг, сени асрайди, уни қўйиб юборсанг, сени ҳароб қилади. Бу нима?
Жавоб: Тил
савол: Рамон Гомес де ла Сернанинг айтишича, УНГА термулиб туриш — саҳрони кичкина қадаҳ ёрдамида ичиш билан баробар экан.
Диққат савол! УНИ икки сўз билан ёзиб беринг.

Жавоб: Қум соат

Изоҳ: Қум соатнинг юқори қисмидан пастки идишга тушаётган қум зарралари қадаҳга қуйилаётган шаробга қиёсланмоқда.
5-савол:
Рус императори Николай I анча хасис бўлишига қарамай, 30 йил давомида сарой хизматкорларининг маошини инфляция муносабати билан доимий ошириб борган. Бироқ саройдаги бир хизмат кўрсатувчининг маоши йиллар давомида оширилиш ўрнига, аксинча вақти-вақти билан камайтирилиб борилган. Диққат савол, унинг касбини ёзиб беринг.
Жавоб: Сартарош.
Изоҳ: Император йиллар ўтгани сари қариб, сочи тўкилиб камайиб борган. Бу эса сартарошга кам иш қолдирган
6-савол:
Воқеа эрамиздан аввалги биринчи минг йилликда бўлган. Бобилдаги Ниневия шаҳри атрофида ёнғин чиқади. Бор йўғи битта уй ёнган. Уйнинг эгаси етиб келганида аланга уйнинг деворлари ва томини қамраб олган эди. Қўшнилари ўтни ўчириш учун сув сепишмоқчи бўлишади, лекин хонадон эгаси улардан бундай қилмасликни ёлвориб сўрайди, чунки қўшнилар унинг энг қиммат бойликларига зарар етказиб қўйиши мумкин эди. Диққат савол, уйда қандай бойлик сақланарди?
Жавоб: Китоблар.
Ҳисоб: лой тахтачалар
Изоҳ: Қизиб турган сопол тахтачалар сувдан ёрилиб кетиши мумкин эди.