Iqtisodiy munosabatlarni oʻrganish usullari

Iqtisodiy munosabatlarni oʻrganish usullari.
Reja:
1Iqtisodiy munosabatlar mohiyati va ularning tarkibi.
2. Ishlab chiqarish munosabatlari – iqtisodiy munosabatlarning bosh boʻgʻini.
3. Taqsimlash, almashtirish va iste’mol soxasidag iiqtisodiy munosabatlar.
4. Iqtisodiyotdagi tarkibiy oʻzgarishlar jarayonida yangi iqtisodiy munosabatlarni vujudga kelishi va takomillashib borishi.


KIRISH.
Mavzuning dolzarbligi: Biz iqtisodiyot deganda real, haqiqatda amal qilayotgan iqtisodiyotni tushunamiz. Real iqtisodiyot amalda yuritilayotgan xo'jaliklar faoliyatini ifodalaydi. Iqtisodiyot nazariyasi esa ana shu faoliyatni nazariy jihatdan aks ettiradi. Biz bilamizki, insoniyat yuz bergan voqea-hodisalarni bir tomondan, nazariy jihatdan, ikkinchi tomondan esa ilgari surilgan g'oya, nazariy fikrlarni amaliyot natijalari orqali asoslab berishga harakat qilgan.
Buni ayniqsa, biz fizika fani, tabiat qonunlarini o'rganganimizda his etganmiz. Chunki insoniyat million yillab yig'gan tajribasi, o'z faoliyati natijasida nazariya va amaliyot birligisiz olg'a borib bo'lmasligiga ishonch hosil qildi. Xuddi shunday tarzda iqtisodiy faoliyat, iqtisodiy qonunlar ham real hayot, amaliyotda yuz berayotgan munosabatlarni nazariy jihatdan asoslash, ilgari surilgan nazariy fikrlar, takliflarni amalda qo'llash natijalarini o'rganishni ob'ektiv zarurat qilib qo'yadi¹. Iqtisodiy adabiyotlarida ko'rsatilishicha, kishilik jamiyati ehtiyojlarini qondirish uchun ne'matlar ishlab chiqarishni boshlaganiga 10 ming yildan ko'proq bo'lgan bo'lsa-da, uni nazariy jihatdan tushuntirib berishni boshlaganiga 300 yildan ortdi. Bilishning eng rivojlangan, yuqori darajasi real voqelik, holatni ma'lum bir aloqalar, ularning amal qilishi qonuniyatlari haqida yaxlit tasavvur qilish, ko'z o'ngida gavdalantirishga imkon beruvchi ilmiy bilish shakli hisoblanadi. Real iqtisodiyotning asosi xo'jalik yuritishning rivoji bilan birga butun tarixiy taraqqiyoti bilan takomillashib boradi.