Institut tarixini uch davrga bo‘lish mumkin

Urushdan keyingi yillarda mamlakatda, xususan Farg‘ona vodiysida yangi sanoat korxonalari katta sur’atlar bilan qurila boshladi. 1946 yilda Farg‘ona furan birikmalari zavodi, 1952 yilda Farg‘ona issiqlik – elektr markazi, 1959 yilda Farg‘ona neftni qayta ishlash zavodi, 1962 yilda Farg‘ona azotli o‘g‘itlar va Quvasoy shahrida (sement kombinati 1928-32 yillarda qurilgan) bir necha sanoat korxonalari ishga tushirildi.

Shuning uchun ham bu korxonalarni injener-kadrlar bilan ta’minlash masalasi kun tartibiga chiqdi. O’sha davrda respublikada yagona bo‘lgan Toshkent politexnika instituti zudlik bilan joylarda o‘z filiallarini ocha boshladi.
Shunday qilib, 1961 yilda Farg‘onada yagona oliy o‘quv yurti bo‘lgan Farg‘ona Davlat pedagogika instituti qoshida Toshkent politexnika institutining sirtqi bo‘lim talabalari uchun o‘quv konsultatsiya punkti (O’QP) ochildi.
1963 yilning 1 sentyabriga kelib O’KP Toshkent politexnika institutining fakultetiga aylantirildi va Farg‘onadan Qirguliga ko‘chirilib, o‘quv mashg‘ulotlari uchun ikkita 3 qavatli bino ajratildi.
1967 yilning avgust oyida mustaqil faoliyat olib boradigan Farg‘ona politexnika institutining kunduzgi bo‘limiga birinchi marta talabalar qabul qilindi. Shu yilning sentyabr oyida esa kechki va sirtqi bo‘limlarga qabul amalga oshirildi. Institutning birinchi rektori vazifasiga g.m.f.n., dotsent Ergashev Qodir Aliyevich tayinlandi.
Institut tarixini uch davrga bo‘lish mumkin.

• 
  Tashkil topish davri 1961-1967 yillar.
  
• 
  Tiklanish davri 1967-1970 yillar.
  
• 
  Kamolot davri 1970 yildan beri.
  

Institutning Qirgulida joylashgan dastlabki o‘quv binosi.



Ergashev Qodir Aliyevich
1930 yildaFarg‘ona viloyatining Marg‘ilon shahrida ziyolioilasida tug‘ilgan.
1953 yilda SAGU (hozirgi O’zbekiston milliy universiteti) ning texnologiya fakultetini tugatgan.
1963 yilda geologiya-mineralogiya fanlari nomzodi ilmiy darajasini olgan.
1964 yilda Toshkent politexnika institutining Farg‘ona umumtexnika fakulteti dekani,
1966 yilda dotsent ilmiy unvonini olgan.

Ergashev Qodir Aliyevich
1967 - 1971 yillarda Farg‘ona politexnika instituti rektori lavozimida ishlagan