Iii bob ixtisoslashtirilgan boshlang‘ich maktablarda ona tili va matematika fanlarini o‘zaro aloqadorlikda o‘qitish metodikasiga oid tajriba-sinov ishlari va ularning natijalari

III BOB
IXTISOSLASHTIRILGAN BOSHLANG‘ICH MAKTABLARDA ONA TILI VA MATEMATIKA FANLARINI O‘ZARO ALOQADORLIKDA O‘QITISH METODIKASIGA OID TAJRIBA-SINOV ISHLARI VA ULARNING NATIJALARI


3.1. Tajriba-sinov ishlarini tashkil etishning maqsad va vazifalari

Boshlang‘ich sinf o‘quvchilarini ona tili va matematika fanlarini o‘zaro aloqadorlikda rivojlantirish mavjud holatini aniqlash uchun tadqiqot ishini quyidagi yo‘nalishda tashkil qilindi:

1. 
   Boshlang‘ich sinf o‘quvchilarining bugungi kundagi ona tili va matematika fanlarini o‘zaro aloqadorligi qay darajada egaliklarini aniqlash;
   
2. 
   Boshlang‘ich sinf o‘qituvchilarining o‘quvchilarni ona tili va matematika fanlarini o‘zaro aloqadorlikda rivojlantirish borasidagi mavjud tajribalari, tayyorgarlik darajalarini o‘rganish;
   
3. 
   Darslik va qo‘llanmalarda o‘quvchilarni ona tili va matematika fanlarini o‘zaro aloqadorlikda rivojlantirishga qaratilgan o‘quv materiallarining mavjudligini aniqlash.Ma’lumki, boshlang‘ich ta’lim juda murakkab jarayondir, chunki bola bevosida o‘yin faoliyatidan ta’limiy faoliyatga kirishadi. Bu jarayonni hozirgi kun davr talabi asosida tashkil etish, ya’ni uzluksiz ta’lim tizimida uzviylikni ta’minlash boshlang‘ich sinf o‘qituvchisidan katta mas’uliyat, bilim, mahoratni talab etadi.Bugungi kun o‘qituvchisi o‘quvchilarini chuqur bilimli, zukko va mustaqil fikr egasi etib tarbiyalashi uchun nimalarga e’tibor berish kerak?. Darsni qanday tashkil etish kerak?.
   

Yuqorida keltirilgan muammolarning yechimi Respublika DTSlari talablaridan kelib chiqib, Kadrlar tayyorlash milliy dasturini amalga oshirish maqsadida ta’lim jarayonida turli interfaol usullarni qo‘llagan holda ish olib borishni taqozo etadi.

Umumiy o‘rta ta’lim maktablarida, xususan, boshlang‘ich ta’limda interfaol usul asosida o‘tiladigan darslarda har bir o‘quvchi o‘zining ichki imkoniyati, qobiliyatini namoyon qiladi. Bu usuldagi darslar XXI asrga xos va mos bo‘lgan komil insonlarni tarbiyalashga xizmat qilishi shubhasiz.

Shuni alohida qayd etish lozimki, bugungi kunda pedagogikada ona tili va matematika fanlarini o‘zaro aloqadorlikda shakllantirish bo‘yicha tashxislash metodlari to‘laqonli o‘rganilib chiqilmagan. Bu esa ilmiy tadqiqot ishimizda Ayzenkaning mashhur IQ-“Intellektni aniqlash” diagnostik testiga murojaat etishimizni taqozo etdi. O‘quvchilarning tafakkur tezligini aniqlash testi.

1. 
   Yo‘qolgan raqamni kiriting.
   

25, 20, 15, 10.....

2. 
   Ortiqcha so‘zni toping.
   

Jang aravasi, avtomabil, mashina, avtobus,chana, vagon

3. 
   Yo‘qolgan raqamni kiriting.
   

3, 7, 16, 35,.....

4. 
   Har qanday harflarning aralashgan nomlaridagi qaysi hayvonlardan qaysi birini eng kichik hajmga ega ekanligini tanlang.