Iii bob ixtisoslashtirilgan boshlang‘ich maktablarda ona tili va matematika fanlarini o‘zaro aloqadorlikda o‘qitish metodikasiga oid tajriba-sinov ishlari va ularning natijalari

Uchinchi bob bo‘yicha xulosalar
Tajriba-sinov ishlari uchun tajriba maydonchalari qilib Namangan viloyati Yangiqo‘rg‘on tumani Xalq ta’limi bo‘limiga qarashli 2-umumiy o‘rta ta’lim maktabining 3-“A” va 3-“B” hamda 4-“A” va 4-“B”, Chortoq tumani XTB ga qarashli 53-DIUMning 3-“A” va 3-“B” hamda 4-“A” va 4-“B” sinflari olindi

Bu sinflarda uchta bosqichda tajriba sinov ishlari olib borildi va tajriba guruhida ona tili va matematika fanlarini o‘zaro aloqadorlikda o‘qitishning baho ko‘rsatkichlari bo‘yicha yuqori samaradorlikka erishildi.

Ilmiy izlanishlar natijasida ishlab chiqilgan tavsiyalar va dars ishlanmalari asosida uyushtirilgan tajriba-sinov ishlari kutilgan samarani berdi. Bunday darslar boshlangich ta’limda integratsiyalashgan darslariga bo‘lgan qiziqishlarini oshirdi, ularda bilimlarni o‘zlashtirishga ishtiyoq uyg‘otib, mustaqil fikrlash qobiliyatlarining shakllanishiga yaqindan yordam berdi. O‘tkazilgan tajriba-sinov ishlaridan keyin o‘quvchilarda bilish faolligi ortdi, o‘qishga, o‘quv fanlariga bo‘lgan qiziqish ortdi. Integratsiyalashgan darslar sinfda bolalarni ijodiy qobiliyatlarini namoyon qilish imkonini yaratish bilan birga, darsga bo‘lgan ijobiy emotsional kayfiyatni ko‘tarishga xizmat qildi. O‘quvchilarda fikrlarini erkin ifodalash hissi va muloqotga kirishuvchanlik ortdi, o‘qishga o‘rganishga bo‘lgan havas uyg‘ondi, qiyinchiliklardan qo‘rqmaslik kabi ijobiy sifatlar ortdi. Tajriba-sinov ishlari yakunlari tahlili ilmiy farazimizning asosli ekanligini ko‘rsatdi.