I. Курс ишини тайёрлаш ва бажариш

I. Курс ишини тайёрлаш ва бажариш


1.3. Курс ишининг тузилиши ва мазмуни


1.3.1. Курс ишининг тузилиши

Курс ишинингтузилиши:

• 
  Титул варағи.
  
• 
  Мундарижа.
  
• 
  Кириш.
  
• 
  Асосий қисм.
  
• 
  Хулоса.
  
• 
  Фойдаланилган адабиётлар рўйхати.
  
• 
  Иловалар (зарур ҳолларда)дан иборат бўлади.
  

Титул варағи

Курс ишининг титул варағида қуйидагилар:

• 
  вазирлик номи (Ўзбекистон Республикаси Адлия вазирлиги);
  
• 
  олий ўқув юрти номи (Бердақ номидаги Қорақалпоқ давлат университети);
  
• 
  факультет номи (м-н: “Юридика”);
  
• 
  кафедранинг номи (м-н: “Ҳуқуқшунослик” кафедраси);
  
• 
  ихтисослик номи (юриспруденция);
  
• 
  курс ишининг мавзуси;
  
• 
  иш тури (курс иши);
  
• 
  ишни бажарган талабанинг фамилияси, исми ва отасининг исми, курси, гуруҳи ва таълим шакли ҳақида маълумот;
  
• 
  илмий раҳбарнинг фамилияси, исми ва отасининг исмининг бош ҳарфлари, илмий даражаси ва илмий унвони ; (ю.ф.н. доцент Утемуратова С.Ш.)
  
• 
  курс иши ҳимоя қилингани ҳақида штамп. Унда ҳимоя санаси ва ушбу ишга қўйилган баҳо, кафедра мудирининг фамилияси, исми ва отаси исмининг бош ҳарфлари, илмий даражаси ва илмий унвони;
  
• 
  иш бажарилган жой ва йил кўрсатилади.
  

Титул варағининг тузиш намунаси 2-иловада келтирилган.


1.3.2. Мундарижа

Курс ишининг мундарижасида тадқиқотнинг тузилиши, унинг режаси акс эттирилади. Курс иши мундарижасида кириш, барча бўлимлар, кичик бўлимлар ва бандлар номи (агар бандлар иш матни бўйича номланган бўлса), хулоса берилади. Бундан ташқари, курс иши мундарижасида фойдаланилган адабиётлар рўйхати, мавжуд иловалар ҳам кўрсатилиб тегишли материалнинг бошланган ва тугалланган саҳифалари рақами акс эттирилиши шарт. Курс иши мундарижаси 3-иловага мувофиқ тузилиши лозим.

1.3.3. Кириш

Курс ишининг киришида ўрганилаётган муаммонинг ҳозирги ҳолатига баҳо берилиши, мавзуни ўрганиш учун асослар ва бошланғич маълумотлар келтирилиши лозим. Киришда тадқиқот мавзусининг аҳамияти ва долзарблиги, тадқиқотнинг предмети ва чегараси аниқланиши, унинг мақсади белгиланиши лозим.