I. Курс ишини тайёрлаш ва бажариш

II. КУРС ИШИНИ ТУЗИШ

1. 
   Умумий талаблар
   

Курс ишлари А4 форматли оқ ёзув қоғози варағининг бир томонида бажарилади. Курс ишининг барча варақлари махсус папка (“файл”)да жойлаштирилган ёки муқоваланган бўлиши лозим. Расмлар ва жадваллар А3 форматли қоғоз варақларида тузилиши мумкин.

2.2. Ҳошияларнинг ўлчамлари

Ҳошияларнинг ўлчамлари: чап ҳошия – 30 мм, ўнг ҳошия – 15 мм, пастки ҳошия – 20 мм, устки ҳошия – 20 мм.

2.3. Ишнинг ҳажми

Курс ишининг ҳажми 25 саҳифадан ошмаслиги керак (титул варағи, фойдаланилган адабиётлар рўйхати ва иловалар келтирилган варақлар ҳисобга олинмайди).

Саҳифалар араб рақамлари билан рақамланган, бунда бутун матнни (титул варағидан бошлаб охирги саҳифа, адабиётлар рўйхати ва иловаларгача) узлуксиз рақамлаш тартибига риоя қилиниши лозим. Титул варағи биринчи саҳифа ҳисобланади, лекин унда “1” рақами қўйилмайди, кейинги саҳифа (мундарижа)га “2” рақами қўйилади ва ҳ.к. Алоҳида варақларда жойлаштирилган расмлар ва жадваллар ҳамда А3 форматли варақдаги компьютерда босилган бир саҳифа сифатида ҳисобга олинади. Саҳифанинг тартиб рақами варақ пастки қисмининг марказида охирида нуқтасиз қўйилади.


2.4. Курс ишини таркибий қисмларга ажратиш

Курс иши боблар ва параграфларга ажратилади.

Ҳар бир боб ва бобдаги ҳар бир параграф ўз номига эга бўлиши лозим. “Кириш”, “Хулоса” сарлавҳалари ва бобларнинг номлари янги саҳифадан, юқоридан уч оралиқ ташлаб чоп этилади. Боблардаги параграфларнинг номлари боб номи жойланган саҳифада ёки олдинги параграф тугаган жойда, юқоридаги матндан ва пастдан ҳам уч оралиқ ташлаб чоп этилади.
Боблар ва параграфларнинг сарлавҳалари хатбошидан катта ҳарфлар билан охирига нуқта қўймасдан ёзилиши лозим. Сарлавҳаларда сўзни бўлиб кейинги сатрга кўчиришга йўл қўйилмайди. Агар сарлавҳа икки гапдан иборат бўлса, улар нуқта билан ажратилади. Сарлавҳалар остига чизиқ тортилиши мумкин эмас.
Боблар ишнинг асосий қисми доирасида араб рақамлари билан, охирига нуқта қўймасдан, абзац ташлаб рақамланиши лозим. Параграфлар ҳар бир боб доирасида тартиб рақамига эга бўлиши даркор. Параграф рақами боб рақамини ва параграфнинг боб доирасидаги тартиб рақамини ўз ичига олади ва улар бир-биридан нуқта билан ажратилади, масалан, 2.1-параграф (иккинчи бобнинг биринчи параграфи).
Боблар ва параграфларнинг номлари мундарижада улар қайси саҳифада жойлаштирилган бўлса, шу саҳифа рақамлари кўрсатилган ҳолда акс эттирилади (қаранг: 3-илова).