Электр аппаратлари

І – БОБ.
ЭЛЕКТР АППАРАТЛАРИ ТЎҒРИСИДА УМУМИЙ ТУШУНЧАЛАР.

1. 
   ЭЛЕКТР АППАРАТЛАРИНИНГ СИНФЛАРИ ВА УМУМИЙ ТУШУНЧАЛАР.
   

Электр қурилмаларидаги бошқариш (коммутаияловчи, ҳимояловчи, назорат-ўлчов, ростловчи) функциясини бажарадиган электротехник қурилмаларга электр аппаратлари дейилади.

Кончилик саноатидаги барча электротехник қурилмаларда у ёки бу турдаги электр аппаратлари қўлланилади.
Электр аппаратлари қўйидаги синфларга бўлинади:

1. 
   Бажарадиган функцияси бўйича:
   

• 
  коммутацияловчи аппаратлар (электр занжирларини уловчи ва узувчи)
  

Бу гурухга рубильниклар, пакетли ўчиргичлар, ажратгичлар, узгичлар, қисқа туташтиргичлар ва бошқалар киради. Бу аппаратлардаги коммутацияловчи контактларнинг борлиги унинг ўзига хос конструктив хусусияти ҳисобланади.
- ўта кучланишни ва қисқа туташув токларини чекловчи аппаратлар
Бу гурухга зарядсизлагич ва реакторлар киради.
Бундай аппаратларда ўтиш жараёнларини сўндирувчи элементнинг борлиги унинг ўзига хос хусусияти ҳисобланади.

• 
  электр юритмаларни ёки бошқа электр энергияси истеъмолчиларини бошқарувчи ишга тушириш-ростлаш аппаратлари
  

Бу гурухдаги аппаратларга контакторлар, ишга туширгичлар, контроллерлар, резисторлар, реостатлар ва бошқалар киради. Бу турдаги электр аппаратлари тез-тез улаш ва узиз режимида ишлайди.

• 
  берилган электр ва ноэлектркатталикларни назоратловчи электр аппаратлари. Бу гуруҳга реле ва датчиклар киради.
  

Бу аппратларда киришдаги электр ёки ноэлектр катталиклар назорат қилинади ва чиқишдаги катталиклар ўзгартирилади.
- электр занжири ёки системанинг берилган параметрларини автоматик равишда стабилловчи ёкиростловчи аппаратлар.
Бу аппаратларга кучланиш, ток, айланиш частотаси ва бошқа катталикларни стабилловчи аппаратлар киради.
- электр занжирларининг бирламчи коммутация параметрларини ўлчаш учун қулай бўлган параметрга ўзгартирувчи ўлчаш аппаратлари.
Бу аппаратларга ток трансформатори, кучланиш трансформатори, конденсаторли кучланишни бўлгичлар киради. Бу аппаратларда бирламчи коммутацияланувчи занжирни, ўлчаш занжиридан изоляцияловчи элемент бўлади.

2.