Davriy sistemaga sayohat

DAVRIY SISTEMAGA SAYOHAT

Tadbir nomi: "Davriy sistemaga sayohat"

Tadbir shiori: "Tabiat sirlarin o'rganar kimyo Kimyoni sevib o'qing doimo!"
l-boshlovchi(Qiz): Assalom, ey olam, feruza osmon,

Assalom ustozlar, aziz mehmonlar!

Kamtarin davraga bugun mehmonsiz,

Sizga ehtirom ila egikdir boshlar.

2-boshlovchi(Yigit): Dillar cho'g'i-yu, qalblar qo'ridan

Sadoqat nomasin bitib, nomma-nom,

Quyoshning tongdagi teran nuridan

Mehmonlar keltirdik sizlarga salom.

Qiz: Bizning quvnoq kechaga

Xush kelibsiz marhabo.

Kimyo fani bilan

Hamroh bo'ling marhabo.

Yigit; Kimyo fani kerak

Havaskor o'g'il-qizga,

Fikrlarni to'g'irlab

Soladi yaxshi izga,

Qiz: Assalomu alaykum, hurmatli ustozlar va aziz o'quvchilar. Bugungi kimyo fanidan o'tkaziladigan tadbirimizda sinfimiz o'quvchilari ikkita guruhga(10 tadan), ya'ni "Metallar" va "Metallmaslar" guruhlariga ajralib, quyidagi shartlar bo'yicha bellashadilar.

Yigit: 1-shart: O'zingizni tanishtiring (5 ball).

2-shart: Davriy sistemaga sayohat (5 ball).

3-shart: "Kuzatuvchanlik sinovi"(5 ball).

4-shart: Bilimlar sinovi(savol-javob, 10 ball).

Sahna ko'rinishi.

5-shart: Sardorlar bellashuvi

Qiz: "Davriy sistemaga sayohat" nomli kechamizga xush kelibsiz, aziz ustozlar va o'quvchilar.

Yigit: Endi navbat 1-shartimizga, ya'ni bu shartda ikkala guruh bir-biriga salom yo'llab, tanishib oladilar.

Shundan so'ng ikkala guruh sahnaga chiqadi va she'riy tar/da salom yo'llaydilar.

"Metallar" guruhi

1-ishtirokchi: Assalom, ey, ahli davron

Baxtiyorlar assalom.

Gul kabi yashnab turgan

Qalbi bahorlar assalom.

2-ishtirokchi: Bag'ri keng o'zbekning kimyogarlari

Xush ko'rdik, marhabo, eng aziz kalom.

Istiqlol yurtining "Metallmaslari"

"Metallar"guruhi yo'llaydi salom.

3-ishtirokchi: Bahoriy shodlikning zavqin keltirdik.

Shu zavqqa yo'g'rilgan bugungi ayyom,

Davramiz gultoji do'sti-azizlar

"Metallar" nomidan salom-assalom.

4-ishtirokchi: Kelinglar, azizlar, bardam bo'laylik,

Do'stlarimiz bilan hamdam bo'laylik.

Hurriyat, istiqlol kuyini chalib,

Ilmu-fan yo'lida ildam bo'laylik (hamma birgalikda).