Davlat tili 5-sinf uchun diktant matni (umumta’lim maktablari uchun) 1-variant Qadimiy shahar

DAVLAT TILI 5-SINF UCHUN DIKTANT MATNI


(umumta’lim maktablari uchun)
1-variant


Qadimiy shahar
Toshkent – juda qadimiy shahar. Bu shahardan savdo karvonlari o‘tgan. Shaharliklar savdogarlarni muhtasham saroylarda kutib olishgan. O‘zaro savdo-sotiq rivojlangan. Bora-bora shahar savdo markaziga aylangan. Shaharning shuhrati ortgan. Hozir Toshkent sanoati, iqtisodiyoti va madaniyati rivojlangan yirik va ko‘rkam shaharlardan biridir. Poytaxtimiz ko‘chalari yildan-yilga ko‘rkamlashib bormoqda. Ayniqsa, hashamatli binolar, chiroyli favvoralar shaxrimizning husniga-husn qo‘shmoqda.
( 55 co‘z)

DAVLAT TILI 5-SINF UCHUN DIKTANT MATNI
(umumta’lim maktablari uchun)
2-variant

Yalpiz
Yalpiz nam yerlarda, ariq bo‘ylarida, tog‘ etaklarida, adirlarda o‘sadi. U ko‘p yillik o‘simlik hisoblanadi. Iyun – avgust oylarida ochiladigan gullari o‘zida halqasimon to‘p gulni tashkil etadi. Mevasi tuxumsimon silliq, yong‘oqchalarga o‘xshaydi. O‘simlik gullashdan oldin yoki gullaganda yer ustki qismidan o‘rib olinadi va soya yerda quritiladi. Yalpiz tarkibida efir moyi va boshqa bir nechta foydali moddalar uchraydi.
(55 so‘z )
DAVLAT TILI 5-SINF UCHUN DIKTANT MATNI
(umumta’lim maktablari uchun)
3-variant

XOTIRA – MUQADDAS
Toshkentdagi Xotira maydonida Motamsaro ona haykali o‘rnatilgan. Yodgorlik majmuasida xotira lavhalari bor. Ularga ikkinchi jahon urushida halok bo‘lgan yurtdoshlarimizning nomlari yozilgan.
Toshkentning Yunusobod tumanida Shahidlar xotirasi xiyoboni barpo etilgan. Xiyobonda muzey ham bor. Muzey avlodlarga qatag‘on yillari qurboni bo‘lgan ajdodlar haqida hikoya qiladi. Xotira farzandlarda insoniylik xislatlarini tarbiyalaydi. Ajdodlarni eslash, xotirlash biz uchun muqaddas burch.
(55so‘z )


DAVLAT TILI 6-SINF UCHUN DIKTANT MATNI