Bilimlar saltanati (hikoya)

Bilimlar saltanati
(hikoya)
Bir bor ekan bir yo’q ekan qadim o’tgan zamonda emas o’zimizning zamonda bir qishloq bo’lgan ekan . U qishloqda Ahmad va Sa’dulla degan do’stlar yashagan ekan. Kunlarning birida Ahmad Sa’dulladan so’rabdi:
---Televizorda zo’r film bo’ldi ko’rdingmi do’stim?
Sa’dulla debdi:
---Yo’q ko’ra olmadim. Chunki dars tayyorlash bilan band edim.
Ahmad dedi:
---Iya, kallam qursin! Dars qilish butunlay yodimdan ko’tarilibdi-ku!!!
Sa’dulla dedi:
---Ha, yomon bo’libdi. Endi o’qituvchimizdan rosa gap eshitadigan bo’ldingda!
Ahmad dedi:
---O’zi shu maktabning kimga keragi bor.
Sa’dulla dedi:
---Nega unday deysan, ahir maktabdan bilim olasan-ku. Bu juda maroqli-ku axir.


Shu payt hamma yoq yorishib ketibdi va Sa’dulla bilan Ahmad qandaydir joyga kelib qolishdi.
Bu bilimlar saltanati edi. Ahmad va Sa’dulla hayron bo’lib qolishdi.
Ahmad dedi:
--- Biz qayerga tushib qoldik?
Sa’dulla dedi:
--- Adashmasam biz “Bilimlar saltanatiga,, tushib qoldik. Bu saltanatni men kitoblarda o’qigan edim. Unda aytilishicha: Kimda-kim 1ta savolga javob topa olsa bu yerdan chiqib o’z uyiga borib qoladi, agarda javob topa olmasa shu yerda qolib ketar ekan.
Ahmad dedi:
Ho’sh o’sha savol nima ekan???
Shu payt qandaydir bahaybat narsa paydo bo’ldi.
Ahmad:
---Bu nima Sa’dulla?
Sa’dulla javob berdi:
---Menimcha bu “Sfinks” – sahro hukmdori (Misr afsonalarida bu hayvon savol berishi va unga kim javob bera olmasa halok bo’lishi yozilgan).
Ahmad havotirlana boshladi. Shu payt Sfinks savol berdi:
---5ni 8ga ko’paytirib, javobni 4ga bo’lsak va chiqqan javobni 1000ga ko’paytirsak javob nechchi bo’ladi?
Sa’dulla o’ylab qoldi va yarim daqiqadan so’ng javobini aytdi:
---5ni 8ga ko’paytirsak, 40bo’ladi, 40ni 4ga bo’lsak, 10 bo’ladi,10ni 1000ga ko’paytirsak 10000 chiqadi. Javob:10000.
Sfinks:
---Barakalla bolakay. Endi uyingizga qaytishingiz mumkin.
Shu payt yana hamma yoq yorishib ketibdi va ular uylarida paydo bo’lishibdi. Ahmad xatosini tushunib yetdi va ko’p televizor ko’rmay dars qilib, kitob o’qiydigan bo’ldi.
SHU BILAN TAMOM…