Bilimlar bellashuvi va olimpiada musobaqalari nima?

Bilimlar bellashuvi va olimpiada musobaqalari nima?
O’zbekiston Respublikasida iqtidorli va bilimli yoshlarni aniqlash, ularni qo’llab-quvvatlash, hamda kelajakda o’z vataniga sodiq, bilimli va yetuk salohiyatga ega avlodni tarbiyalsh maqsadida har yili yurtimizning barcha bilim yurtlari: maktab , akademik-litsey, Oliy ta’lim muassasalarida bilimlar bellashuvi va fan olimpiadalari o’tkazib kelinadi. Shu o’rinda xaqli savollar tug’iladi: “Bilimlar bellashuvi va Fan olimpiada musobaqalari nima? ; U qanday o’tkaziladi?; Qanday tartibda o’tkaziladi? “ va hakazo. Biz quyida shu kabi savollarga javob topishga harakat qilamiz.
Har o’quv yilida maktablarning 6-8 sinflari o’quvchilari o’rtasida bilimlar bellashuvi va 9-11 sinflar o’quvchilari va akademik litseylarning 1-2 kurs talabalari, hamda Oliy ta’lim muassasalari 2-4 kurs talabalari o’rtasida fan olimpiadasi o’tkaziladi. Bilimlar bellashuvi va fan olimpiadalari bir necha bosqichda ( ta’lim muassasasi –tuman(shahar) bosqichi-viloyat bosqichi-respublika bosqichi) amalga oshadi. Shuni ta’kidlash lozimki 6-sinf o’quvchilari respublika bosqichiga bormaydilar, ya’ni viloyat bosqichi g’oliblari bilimlar bellashuvi sovrindorlari deb e’tirof etiladilar. 6-sinf o’quvchilari o’rtasidagi respublika bosqichi so’ngi bor 2012-2013 o’quv yilida o’tkazilgan. (Keyingi o’quv yilidan e’tiboran 6-sinf o’quvchilarining yoshi, jismoniy imkoniyatlari va shu kabi omillar hisobga olinib ular o’rtasidagi respublika bosqichi o’tkazilmaydigan bo’ldi.)
Bilimlar bellashuvi va fan olimpiadalari bir qancha fanlardan o’tkaziladi: Biologiya, fizika, matematika, ona tili va adabiyoti, rus tili, ingliz tili, informatika, geografiya, kimyo va shu kabilar. Quyida biz har bir bosqich va uning tartibi bilan tanishib chiqamiz:


Maktab va akademik litseylarda bilimlar bellashuvi va fan olimpiadalarining o’tkazilish tartibi.


1.Ta’lim muassasasi bosqichi. Bu bosqichda sinflar va kurslar ichidan iqtidorli yoshlar ajratib olinadi. Bunda 2 bosqichda imihon o’tkaziladi:
1-bosqich. Tabiiy fanlar (biologiya, kimyo, geografiya) uchun 5ta yozma ishlar bir yozma ish maksimal 10 balldan jami 50 ball.
Aniq fanlar (fizika, matematika) 5 ta masala - har bir masala uchun maksimal 10 balldan jami 50 ball.
Gumanitar fanlar (ona tili va adabiyoti, rus tili, ingliz tili) – diktant (6-sinflar uchun), bayon (7-sinflar uchun) va insho (yuqori sinflar va 1-2 kurs talabalari uchun) ko’rinishida o’tkaziladi-50 balli sistemada