Barcha dasturlash tillari kabi Python dasturlash tili ham rivojlanib, zamonga va talabga qarab ishlab chiqaruvchilar tomonidan o’zgarishlar kiritib borilmoqda

Kirish

Barcha dasturlash tillari kabi Python dasturlash tili ham rivojlanib, zamonga va talabga qarab ishlab chiqaruvchilar tomonidan o’zgarishlar kiritib borilmoqda. Python – yuqori darajali rivojlangan tillar turkumiga kirib, turli xildagi veb-ilovalarni yaratishga mo’ljallangan. Uning yordamida o’yin, ma’lumotlar bazasi, biznes-masalalarni hal qilish, amaliy masalalarni yechish kabi bir qator amaliy ahamiyatga ega bo’lgan masalalar hal etish imkoniyatlari berilgan. Shuningdek sun’iy intellekt, mashinaviy o’qitish sohasida ham keng qo’llanilmoqda. Python tili to’la ob’ektga mo’ljallangan til hisoblanadi.
Python dasturlash tili yaratish bo’yicha 1980 yillarda ish boshlangan bo’lib, 1989 yili Gollandiyaning CWI instituti xodimi Gvido van Rossum tomonidan yakunlangan. 1990 yili tilning rasmiy matni e’lon qilingan. Shu vaqtlardan buyoni uning bir qator versiyalari ishlab chiqildi. 2000 yili tilning 2.0, 2008 yili 3.0 versiyalari ishlab chiqildi. Shuningdek, tilning oraliq versiyalari ham ishlab chiqilgan bo’lib biz uning keng tarqalgan 3.10 versiyasi haqida to’xtalib o’tmoqdamiz. Tilning oxirgi versiyalari, undagi o’zgarishlar, zaruriy utilitalar va boshqa zaruriy ma’lumotlar tilning rasmiy sayti https://www.python.org/ da to’la berilgan. Ushbu sayt orqali dasturlash tilining oxirgi versiyalarini ko’chirib olish mumkin.
Gvido 1970 yillarda britaniyada keng tarqalgan “Monti Paytonning xavo tsirki” komediyasining muxlisi bo’lganligi uchun dasturlash tiliga Python nomini bergan. Dasturlash tili tez ommalasha bordi va hozirgi kunga kelib dasturlash tillari orasida eng yuqori o’rinlarni egallab kelmoqda.
Python tili kross-platformali til hisoblanadi, ya’ni ushbu til barcha asosiy operatsion sistemalarga o’rnatish imkoniyamavjud. Shuning uchun tuzilgan dasturlar Python tili o’rnatilgan boshqa operatsion sistemalarda ham ishlatilishi mumkin. Ushbu tilda tuzilgan dastur boshqa dasturlash tillarida tuzilgan dasturlardan hajm jixatidan kichikligi, oson o’qilishi, dasturni taxrirlashning qulayligi va boshqa parametrlari bilan farq qilib turadi.