5-mavzu: Yuridik shaxslar reja

5-mavzu: Yuridik shaxslar
REJA:
1.Yuridik shaxs tushunchasi va belgilari.
2.Yuridik shaxsning maxsus huquq layoqati va muomala layoqati.
3.Yuridik shaxslarning vujudga kelishi. Yuridik shaxsni qayta tashkil etish.Yuridik shaxsni tugatish va tartibi.
4.Yuridik shaxsning ta’sis hujjatlari, Nizom va ta’sis shartnomalar
5.Yuridik shaxsning organlari.
6..Yuridik shaxslarning turlari


Юридик шахслар-фуқаролик ҳуқуқи субъектлари.

Фукаролик хукукининг мустакил субъектлари сифатида фукаролар хукукий муносабатларда катнашиши ва шу муносабат билан муайян хукук ва мажбуриятларга эга булиш лаёкати факат фукароларгагина эмас, балки юридик шахсларга хам берилади.

Уз мулкида, хужалик юритишда ёки оператив бошкарувида алохида мол-мулкка эга булган хамда уз мажбуриятлари юзасидан ушбу мол-мулк билан жавоб берадиган, уз номидан мулкий ёки шахсий мулкий хукукларга эга була оладиган ва уларни амалга ошира оладиган, судда даъвогар ва жавобгар була оладиган ташкилот юридик шахс хисобланади (ФКнинг 39-моддаси
Юкорида берилган таърифдан аникланишича, хар кандай ташкилот эмас, балки муайян талабларга жавоб берадиган ташкилотларгина юридик шахс була олади. Юридик шахслар:
1) ташкилий бирлик; 2) мулкий мустакиллик; 3) мустакил мулкий жавобгарлик; 4) фукаролик муомаласида уз номидан харакат килиш белгиларига эга булиши керак.
Ташкилий бирлик - бу юридик шахснинг хукук объекти сифатида ташкил булганлигини, муайян хукук ва мажбуриятларга эга булишни билдиради.
Юридик шахснинг ташкилий жихатдан тузилиши (структураси)ни курсатадиган низоми (устав) булиши керак. Баъзи давлат муассасалари ва давлат бюджетида булган бошка давлат ташкилотлари, шунингдек, конунда назарда тутилган холларда, бошка ташкилотлар хам алохида низомга эга булмай, мазкур турдаги ташкилотлар хакидаги умумий низом асосида иш олиб боришлари мумкин.
Юридик шахсларнинг айрим филиаллари (хужалик булимлари, участкалари, агентликлари) маълум тизимга эга булган, муайян тарзда ташкил этилган булса хам, улар бутун бир ташкилот (корхона, муассаса) ишининг бир кисминигина бажарувчи ташкилотлар булиши туфайли юридик шахс була олмайди. Масалан, университетнинг бир факультети муайян тартибда ташкил топиб, иш олиб бориш тартиби, кафедра аъзолаи уртасида узаро муносабатлар деканнинг ваколати белгиланган булса хам юридик шахс хисобланмайди.
Мулкий мустакиллик - фукаролик хукукининг субъекти булиши учун юридик шахс хисобланган хар кайси ташкилотнинг узига хос мулки булиши, хар кайси давлат ташкилотининг узига бириктирилган мулки булишини такозо килади. Бошкача айтганда, юридик шахслар мустакил баланс ёки сметага эга булишлари керак (ФКнинг 39-моддаси, 2-банди).
Давлат ташкилотлари давлатга карашли мулкни тула хужалик юритиш ёки оператив равишда бошкариш хукукигагина эгадир. Жамоа хужаликлари, бошка кооператив ва жамоа ташкилотлари, уларнинг бирлашмалари узларига мулк хукуки асосида тегишли булган мулкни эгаллайди. Алохида мулкка эга булмаган ёки мустакил равишда бошкара олмайдиган ва шу сабабли бошка шахслар билан хужалик муносабатларида була олмайдиган ташкилотлар фукаролик хукукининг субъекти хисобланмайди.
Мустакил мулкий жавобгарлик шундан иборатки, юридик шахс хисобланган ташкилот уз мажбуриятлари юзасидан узига тегишли булган (давлат ташкилоти эса, узига бириктириб куйилган) мулки билан жавоб беради. Юридик шахс хисобланган давлат ташкилотларининг мажбуриятлари юзасидан давлат жавобгар булмайди, аксинча, бу ташкилотлар хам давлат ташкилотлари мажбурияти юзасидан жавобгар булмайдилар. Давлат бюджетида турадиган ташкилотларнинг карзини коплаш, маблаг бериш шартлари ва тартиби Узбекистон Республикаси конунлари билан белгиланади.
Юридик шахснинг юкори органи узига карашли юридик шахс хисобланган ташкилотларнинг карзлари юзасидан жавобгар булмайди. Аммо юридик шахснинг юкори органи узига буйсунадиган ташкилотнинг карзлари учун конунда ёки низомда назарда тутилган холларда жавобгар булиши мумкин. Куйи ташкилотлар хам узларининг юкори ташкилотлари мажбуриятлари юзасидан жавобгар булмайдилар.
Юридик шахслар карзлари учун узларининг хар кандай мулклари билан эмас, факат Узбекистон конунларига биноан хак ундириб олиши мумкин булган мулки билангина жавобгар булади.
Фукаролик муомаласида уз номидан харака килиш - юридик шахс хисобланган ташкилот уз номидан турли битимлар туза олади, хукукий муносабатларда катнашиб, мулкий ва мулкий характерда булмаган хукукларга эга була олади, яъни бошка мажбуриятлар вужудга келтира олади, демакдир. Юридик шахс судда, хужалик судида мустакил равишда даъвогар ва жавобгар була олади.
Юридик шахс уз фаолиятида уз таъсис хужжатларида назарда тутилган максадларга мувофик фукаролик хукук лаёкатига эга булади. Ташкилотлар билан фукаролар уртасидаги хукук лаёкатлари хажмида фарк булиши табиийдир. Ташкилотлар фукароларга нисбатан белгиланган бирмунча хукук ва мажбуриятларга эга була олмайдилар, факат уз устав ёки низомларида курсатилган фаолият билангина шугуллана оладилар.
Юридик шахснинг махсус хукук лаёкати унинг устави, низоми ёки конун хужжатлари билан белгиланади (ФКнинг 41-моддаси, 3-банди).
Юридик шахс хисобланган ташкилот ёки корхона катнашадиган муносабатларнинг доираси унинг ташкил килиниш максадлари билан амалга ошириш лозим булган ишларнинг характери билан белгиланади. Юридик шахс узи катнашадиган муносабатларга караб маълум хукук ва мажбуриятларга эга булади. Шундай килиб, юридик шахснинг хукук лаёкати, унга махсус юкланган вазифалар билан белгиланади (махсус хукук лаёкати принципи). Юридик шахс конун хужжатларида белгилаб куйилган айрим фаолият тулари билан факат махсус рухсатнома (лицензия) асосидагина шугулланиши мумкин.
Фукаролик хукукида фукароларга нисбатан хукук лаёкатининг тенглик принципи урнатилган, фукаролик хукук лаёкатининг мазмуни хамма фукаролар учун конун билан тенг хажмда белгиланган булса, юридик шахсларнинг хукук лаёкати билан фаркланиб, уларнинг хар кайси тури учун хар хил булади. У барча юридик шахслар учун бирорта умумий хажмда олдин эмас, балки конкрет юридик шахснинг пайдо булишида унинг иш максадларига караб, устав ёки низомларида белгиланади.
Юридик шахс уз устави ёки нозоми асосида харакат килади. Юридик шахснинг хукук лаёкати, унинг устави ёки низоми тасдикланган пайтдан бошлаб ёхуд тегишли ваколатли идора ушбу юридик шахсни ташкил этиш хакида карор чикаргандан кейин вужудга келади. "Юридик шахс давлат руйхатидан утказилган пайтдан бошлаб ташкил этилган хисобланади" (ФКнинг 44-моддаси, 4-банди).
Юридик шахснинг устави ёки у хакдаги низом шундай хужжжатки, бунда унинг фаолияти учун юридик ахамиятга эга булган коидалар мустахкамланади. Уставда юридик шахснинг номи, унинг жойлашган ери, ташкил булиш тартиби ва максади, унинг ташкилий тузилиши, аъзоларга эга буладиган ташкилот булса, аъзоликка кабул килиш шартлари, мулкнинг таркиби сингари катор коидалар белгиланади.
Баъзи холларда, юридик шахсни ташкил этишда, мазкур типдаги юридик шахсларнинг ташкилий тузилиши ва ишига доир барча умумий оидаларни назарда тутган типовой ёки намунавий уставларнинг булиши, юридик шахс уставини тузиш вазифасини енгиллаштиради. Бундай намунавий уставларга жамоа хужалиги уставини мисол килиб курсатиш мумкин.
Юридик шахснинг органлари хам булади. Юридик шахс конун, уставда ёки низом буйича белгиланган вазифалар доирасида харакат килувчи уз органлари оркали фукаролик хукукларига эга булади ва зиммасига фукаролик бурчларини олади.
Юридик шахсларнинг муомала лаёкати, яъни уз харакатлари билан фукаролик хукуклари ва бурчларини олиш лаёкати, юкорида курсатилганидек, уларнинг органлари оркали амалга оширилади. Улар эса, конун устав ёки низомномага мувофик равишда юридик шахснинг иродасини ифодаловчи шахс булади. Юридик шахсларнинг органлари якка бошчиликка асосланиб, директор, раис, бошкарувчи ёки коллегиал бошкарув, вакиллар мажлиси, умумий мажлис сингари тартибда бошкарадиган орган булиши мумкин.
Давлат ташкилотлари хисобланган юридик шахсларнинг органлари, коида буйича, якка бошчилик асосида белгиланади. Шу билан бирга якка бошчилик асосида харакат килувчи органлар ишлаб чикаришга оид мухим масалаларни хал килишда жамоа ташкилотлари ва мехнат жамоалари фикри билан хам хисоблашадилар.
Кооператив ва жамоа ташкилотлари хисобланган юридик шахсларнинг органлари икки турга: якка (тартиб) бошчиликка асосланган (масалан, бошкарув раиси) ёки коллегиал тартибда бошкаришга асосланган (масалан аъзоларнинг умумий мажлиси, бошкарувчи) булиши мумкин.
Юридик шахс куйидаги холларда тугатилиши мумкин:
1. Юридик шахснинг муассислари (иштирокчилари)нинг ёки таъсис хужжатлари билан тугатишга ваколат берилган юридик шахс органининг карорига мувофик, шу жумладан, юридик шахснинг амал килиш муддати тугаши, уни ташкил этишдан кузланган максадга эришилганлиги муносабати билан ёки юридик шахсни ташкил килиш чогида конун хужжатлари бузилишига йул куйилганлиги сабабли, агар бу бузилишларни бартараф эта олмаса, суд юридик шахсни руйхатдан утишни хакикий эмас деб топганда.
2. Юридик шахс фаолияти рухсатномасиз (лицензиясиз) амалга ошириш ёки конун билан такиклаб куйилган фаолият амалга оширилган такдирда, шунингдек, ушбу кодексда назарда тутилган бошка холларда суднинг карорига мувофик тугатилади.
3. ФКнинг 57-моддасида айтилганидек, юридик шахснинг банкрот деб хисобланиши унинг тугатилишига олиб келади.

Юридик шахсларнинг турлари жамиятда мавжуд булган мулк шаклларига бевосита богликдир. Маълумки, Узбекистон Республикаси мулк хусусий мулк ва оммавий мулк шаклларида булиб, юридик шахслар давлатга тегишли хусусий (нодавлат) юридик шахслар куринишида булади.

ФКнинг 40-моддасида айтилганидек, фойда олишни уз фаолиятининг максади килиб олган (тижоратчи ташкилот) ёки фойда олишни ана шундай максад килиб олмаган ташкилот (тижоратчи булмаган ташкилот) юридик шахс булиши мумкин. Тижоратчи булган юридик шахслар жумласига хужалик ширкатлари, ишлаб чикариш кооперативлари ва унитар корхоналар киради.
Тижоратчи булмаган юридик шахслар жумласига жамоат бирлашмалари, ижтимоий фанлар ва мулкдор томонидан молиявий таъминлаб турадиган муассасалар киради.
Тижоратчи булмаган ташкилотлар уз уставида белгиланган максадларга мос келадиган доираларда тадбиркорлик фаолиятлари билан хам шугуллана олади.
ФК нинг 77-моддасига кура, юридик шахслар узларининг фаолиятларини мувофиклаштириш, шунингдек, муштарак манфаатларини ифода этиш хамда химоя килиш максадида уюшмалар (иттифоклар) шаклида бирлашмалар тузишлари мумкин. Уюшма юридик шахс хисобланиб, унинг аъзолари уз мустакилликларини ва юридик шахс хукукларини саклаб коладилар. Уюшма уз аъзоларининг мажбуриятлари буйича уюшманинг таъсис хужжатларида назарда тутилган микдорда ва тартибда субсидиар жавобгар буладилар.
Фукароларнинг узини узи бошкариш органлари юридик шахс сифатида фукаролик-хукукий муносабатларнинг катнашчиларидир (ФКнинг 78-моддаси).
Шахслар уз фаолиятларида мазкур кодекс нормаларига, улар тугрисидаги бошка конун хужжатларига, шунингдек, уставлари ва бошка таъсис хужжатларига асосланган холда иш олиб борадилар.