4-5-Амалий машғулот. Электромагнит катталикларини ўлчаш учуллари Ўлчаш техникасида электромагнетизм қонунларини қўлланилиши

4-5-Амалий машғулот. Электромагнит катталикларини ўлчаш учуллари
Ўлчаш техникасида электромагнетизм қонунларини қўлланилиши
Электроскоп қурилмасининг ишлаш принципи зарядланган жисмларнинг таъсирлашишида ўзаро итарилиш ҳодисасига асосланган. Электроскоп ёрдамида зарядларни мавжудлигини кузатиш мумкин.
Электроскоп металл стержендан иборат бўлиб, унга ингичка aluminiy ёки қоғоз япроқчалар осилади. Янтар ёки эбонит пробкага маҳкамланган стержен ойна банки ичига жойтирилади, чунончи, бунда япроқчалар ҳаво таъсирида ҳаракатланишини олди олинади.
Электрометр – бу электроскопдан иборат бўлиб, металл корпусга эга. Агарда бу приборнинг корпусини ерга уласак, у ҳолда ундаги заряднинг маълум қисми стерженга ўтади ва электрометрнинг япроқчалари бир-биридан маълум бурчакка қочади.
Бундай прибор ўтказгич билан ер орасидаги потенциаллар фарқини ўлчайди.
Осциллограф шундай ўлчаш қурилмасики, унинг ёрдамида татқиқ қилинаётган сигнални кузатиш, қайд қилиш ва параметрларини ўлчаш мумкин, жумладан, вақтга боғлиқ бўлган кучланишни кўринишини кузатиш имконият ҳам мавжуд.
Ёруғлик нурли осциллографда ёруғлик нурининг татқиқ қилинаётган кучланиш таъсирида электротеханик оғиши қўлланилади. Электрон-нурли осциллографлар электрон-нурли трубкалар асосида қурилади. Электрон нурнинг оғиши ўз-ўзидан электр сигнал билан амалга оширилади.
Электрон-нурли осциллографнинг асосий қисми электрон нурли трубкадан иборат бўлиб, у ойна колба ичида вакуум ҳосил қилинади. Колбанинг ичида 2 қиздиргич билан 1 оксидли катод, 3 модулятор, 4 анодлар ва 5 ва 6 оғдирувчи пластинкалар системаси жойлашган (1-расм).
Электрон-нур трубкаси таркибига катод, модулятор ва анодлар киради ва биргаликда электрон пушка деб аталади.

1- расм. Электрон - нур трубкаси
Агарда оғдирувчи пластинкаларга кучланиш берилса, унда электрон нур 2-расмда кўрсатилгандек оғади.
Тик оғдирувчи пластинкаларга кўп ҳолларда U_y татқиқот қилинаётган кучланиш берилади, горизонтал оғдирувчи пластинкаларга эса ёйилувчи кучланиш берилади (берилган ҳолда чизиқли даврий кучланиш, даври Т_р ).

2-расм. Электрон – нур трубка экранида тасвирни олиш