2021 йил учун ҳисоботни ўз муддатида ва хатосиз топшириш учун декабрда мол-мулк солиғининг ҳисоб-китобида нималарни текшириш керак

Журнал


12
Мамадалиев Акрамхўжа
Ўзбекистон Республикаси Молия вазирлигининг бўлим бошлиғи ўринбосари

Солиқ солиш / Солиқ солиш

2021 йил учун ҳисоботни ўз муддатида ва хатосиз топшириш учун декабрда мол-мулк солиғининг ҳисоб-китобида нималарни текшириш керак
Молия вазирлиги эксперти 2021 йил учун ҳисоботда мол-мулк солиғи суммасини ҳисоблашни хатоларсиз қандай қилиб акс эттиришни мисолларда кўрсатди. Мисолларга қараб, аванс тўловлари миқдорларини бюджетга тўланадиган сумма билан солиштиринг. Солиқчиларда солиқ базасини ҳисоблаш юзасидан саволлар қолмаслиги учун, 2022 йил учун аванс тўловлари бўйича ҳисоб-китобни тайёрлашни ҳозирданоқ бошланг, уни 10 январгача топшириш керак.

Зеро, 2022 йил 10 январгача 2021 йил учун солиқ суммаси ҳақида солиқ органига маълумотнома тақдим этиш керак. Маълумотномани айланмадан олинадиган солиқ тўловчилари ҳам, бу солиқни тўламайдиганлар ҳам топширадилар – шакли битта. Аммо, бўнак тўловларини айланмадан солиқ тўловчилар йиллик солиқ суммасининг ¼ қисми миқдорида йилнинг ҳар чораги учинчи ойининг 10-кунидан кечиктирмай, айланмадан солиқ тўловчилар ҳисобланмайдиган солиқ тўловчилар эса – йиллик солиқ суммасининг 1/12 миқдорида ҳар ойнинг 10-кунидан кечиктирмай тўлайдилар.

2021 йил учун тўланиши лозим бўлган бутун солиқ суммасини, бўнак тўловлар ҳисобга олинган ҳолда, солиқ ҳисоботини тақдим этиш муддатидан кечиктирмай бюджетга ўтказиш керак. Юридик шахсларнинг мол-мулкига солинадиган солиқ бўйича солиқ ҳисоботи шакллари ДСҚнинг 28.01.2020 йилдаги «Солиқ ҳисоботининг шаклларини тасдиқлаш тўғрисида»ги 2020-03-сон қарорининг 7-иловаси билан тасдиқланган (рўйхат рақами 3221, 24.02.2020).
Мол-мулк солиғини ҳисоблаш учун солиқ базаси СК 142-моддасига мувофиқ аниқланади. Солиқ ҳисоботи солиқ бўйича ҳисобга олиш жойидаги солиқ органига йилда бир марта, йиллик молиявий ҳисобот топшириладиган муддатда тақдим этилади. Норезидент юридик шахслар эса 15 февралгача тақдим этадилар. Агар кўчмас мулк солиқ тўловчининг солиқ бўйича ҳисобга олиш жойида жойлашмаган бўлса, солиқ ҳисоботи кўчмас мулк жойлашган ердаги солиқ органларига тақдим этилади. Бундан СК 411-моддасининг 2-қисми 3бандида кўрсатилган объектлар мустасно.

Ҳамма солиқ тўловчилар йил давомида мол-мулк солиғи бўйича бўнак тўловларни тўлайди, бундан фаолиятни доимий муассасалар орқали амалга оширмайдиган норезидентлар-юридик шахслар мустасно. Сиз уларни мўлжалланаётган солиқ базасидан – тегишли йил учун мол-мулкнинг ўртача йиллик қолдиқ қийматидан (ўртача йиллик қийматидан) ва тегишли солиқ ставкасидан келиб чиққан ҳолда ҳисоблаганингиз учун, йиллик ҳисоботни хатосиз топширишингиз ва бюджетга ортиқча тўламаслигингиз учун, қуйидаги мисолда ҳисоботни қандай тўлдириш ва йилни ёпишдан олдин ҳамма рақамларни солиштиришни кўрсатдик.