2. ittkini tashkil qilish. Ishlab chiqarishning tashkiliy-texnik darajasini tahlil qilish va bashoratlash

MAVZU. ISHLAB CHIQARISHDA INNOVATSIYaON FAOLIYaTNI SHAKLLANTIRISH
1. Yangiliklar, innovatsiyalarning mohiyati, tasnifi va kodlashtirilishi

2. ITTKIni tashkil qilish.

3. Ishlab chiqarishning tashkiliy-texnik darajasini tahlil qilish va bashoratlash.

4. Yangiliklar va innovatsiyalar portfelini shakllantirish
1. Yangiliklar, innovatsiyalarning mohiyati, tasnifi va kodlashtirilishi

“Yangilik” va “innovatsiyalar” tushunchalarini farqlab olish lozim. Yangiliklar – ma’lum bir faoliyat doirasini oshirish bo’yicha fundamental, amaliy tadqiqotlar, ishlanmalar yoki eksperemental ishlarning rasmiy natijasidir. Yangiliklar quyidagi ko’rinishlarda rasmiylashtirilishi mumkin: ochiq, kashfiyotlar, patentlar, tovar belgilari, ratsionalizatorlik takliflari, yangi yoki takomillashtirilgan mahsulotga, texnologiyaga, boshqaruv va ishlab chiqarish jarayonlariga xujjatlar, tashkiliy, ishlab chiqarish yoki boshqa tuzilmalar, nau-xau, tushunchalar, ilmiy yondashuvlar yoki tamoyillar, xujjatlar (standartlar, tavsiyalar, uslubiyotlar, ko’rsatmalar va boshqalar), marketing tadqiqotlari va boshqalar. Yangiliklarni ishlab chiqishga investitsiyalar – ishning yarmidir. Asosiysi – yangiliklarni joriy etish, yangiliklarni innovatsiya shakliga aylantirish, innoatsiona faoliyatni tugatish va ijobiy natija olish, keyin esa innovatsiyalar diffuziyasini davom ettirish. Yangiliklarni ishlab chiqish uchun marketing tadqiqotlarini, ITTKI, ishlab chiqarishning tashkiliy-texnologik tayyorgarligi o’tkazish, ishlab chiqarishni amalga oshirish va natijalarni rasmiylashtirish zarur.

Innovatsiya – yangiliklarni boshqaruv ob’ektini o’zgartirish va iqtisodiy, ijtimoiy, ilmiy-texnik va foydaning boshqa ko’rinishlarini olish maqsadida joriy etishning oxirigi natijasidir. Yangiliklar shaxsiy ehtiyojlar uchun ham (shaxsiy ishlab chiqarishga joriy qilish yoki jamg’arish), hamda savdo-sotiq uchun ham ishlab chiqilishi mumkin. Firma “kirishi”da tizim sifatida innovatsiya shakliga o’tgan holda darhol joriy etiladigan yoki joriy qilish uchun vaqt poylagan holda oddiy jamg’ariladigan sotuvchilarining yangiliklari bo’lishi mumkin. Firma “chiqish”ida tovar sifatida faqat yangiliklargina bo’lishi mumkin.